ട്രാഫിക് സിഗ്‌നലിൽ ചുവപ്പു കണ്ട് സ്കൂട്ടർ നിർത്തിയതോ ഞാൻ ചെയ്ത തെറ്റ്? വിഡിയോ

ചില സമയങ്ങളിൽ മറ്റുള്ളവരുടെ തെറ്റിന് ഇരയാകേണ്ടിവരുന്നത് ഇരുചക്രവാഹനത്തിന്റെ യാത്രികരാണ്. നിയമം പാലിച്ച് വാഹനമോടിക്കാൻ ശ്രമിച്ചാലും ഇവർക്ക് അപകടങ്ങൾ വന്നു ഭവിക്കാം. അത്തരത്തിലൊരു അപകട വിഡിയോയാണിപ്പോൾ സമൂഹമാധ്യമങ്ങളിൽ താരമാകുന്നത്. വിയറ്റ്നാമിലാണ് അപകടം നടന്നത്. 

ട്രാഫിക് സിഗ്നലിൽ ചുവപ്പു ലൈറ്റ് കണ്ട് സ്കൂട്ടർ നിർത്തിയതായിരുന്നു യുവതി. കുറച്ചു നിമിഷങ്ങൾക്ക് ശേഷം പിന്നാലെ എത്തിയ എസ്‍യുവി സ്കൂട്ടർ ഇടിച്ചു തെറിപ്പിച്ചു. വാഹനം വേഗത്തിൽ വരുന്നത് കണ്ട് ഒഴിഞ്ഞു മാറിയതിനാൽ യുവതിക്ക് അപകടങ്ങളൊന്നും പറ്റിയില്ല. ഇടിച്ചു തെറിച്ച സ്കൂട്ടർ ഏറെ മുന്നിലാണ് ചെന്ന് വീണത്. 

പിന്നാലെ എത്തിയ എസ്‍യുവി ഡ്രൈവറുടെ അശ്രദ്ധയാണ് അപകട കാരണം. ഒരു വാഹനം മാത്രമേ സിഗ്നലിൽ ഉണ്ടായിരുന്നുള്ളൂ. ഭാഗ്യവശാൽ മാത്രമാണ് യുവതി അപകടങ്ങൾ കൂടാതെ രക്ഷപ്പെട്ടത്.

English Summary: SUV Hit Scooter In Traffic Signal