ഹോട്ട്, ടെക്കി ബ്രെസ; ബുക്ക് ചെയ്യാം, ചെറു എസ്‍യുവിയുടെ രണ്ടാം അവതാരം

new-brezza
New Brezza
SHARE

പുറത്തിറക്കലിന് മുന്നോടിയായി പുതിയ ബ്രെസയുടെ ബുക്കിങ് ആരംഭിച്ച് മാരുതി സുസുക്കി. 11000 രൂപ നൽകി മാരുതി സുസുക്കി അരീന ഡീലർഷിപ്പ് വഴിയോ ഓൺലൈനായോ പുതിയ വാഹനം ബുക്ക് ചെയ്യാം. യൂത്ത്ഫുൾ, എനർജെറ്റിക് ഡിസൈൻ, മാറ്റങ്ങൾ വരുത്തിയ മികച്ച ഇന്റീരിയർ, ഇന്റലിജെന്റ് ടെക്നോളജി, ഇലക്ട്രിക് സൺറൂഫ്, പുതിയ സ്മാർട്ട് ഹൈബ്രിഡ് കെ സീരിസ് എൻജിൻ, പാഡിൽ ഷിഫ്റ്റോടു കൂടിയ 6 സ്പീഡ് ഓട്ടമാറ്റിക് ട്രാൻസ്മിഷൻ, 6 എയർബാഗുകൾ, ഇഎസ്പി എന്നിവ പുതിയ ബ്രെസയിലുണ്ട്. പുതിയ ബ്രെസ ജൂൺ 30ന് വിപണിയിലെത്തും.

∙ കൂടുതൽ സ്പോർട്ടി, സ്റ്റൈലിഷ്

മുന്നിലും പിന്നിലുമായി ധാരാളം മാറ്റങ്ങൾ പുതിയ ബ്രെസയിലുണ്ട്. ഗ്രിൽ, ബംബർ, ഹെഡ്‌ലൈറ്റ് ഡിസൈൻ എന്നിവയിൽ പുതുമയുണ്ടാകും. റീഡിസൈൻ ചെയ്ത ക്ലാംഷെൽ സ്റ്റൈൽ ഹുഡ്, പുതിയ മുൻ ഫെൻഡറുകൾ എന്നിവയുമുണ്ട്. ആദ്യ തലമുറയുടെ പ്ലാറ്റ്ഫോമും ബോഡി ഷെല്ലും ഡോറുകളും നിലനിർത്തിയാണ് പുതിയ രൂപം നൽകുന്നത്. പിന്നിൽ റീഡിസൈൻഡ് ടെയിൽ ലാംപുകളും ബംബറുമാണ്. ഇലക്ട്രിക് സൺറൂഫുമായി ഇന്ത്യയിലെത്തുന്ന മാരുതിയുടെ ആദ്യ വാഹനവും ബ്രെസയായിരിക്കും.

∙ പുതിയ ഇന്റീരിയർ, കൂടുതൽ സ്ഥലം

നിലവിലെ ബ്രെസയിൽ സെഗ്‌മെന്റിലെ ഏറ്റവും മികച്ച ഇന്റീരിയറുകളിലൊന്നാണ്. മാരുതി അത് കൂടുതൽ അപ്മാർക്കറ്റ് ആക്കുകയാണ് പുതിയ മോഡലിലൂടെ. സീറ്റുകളും ഇന്റീരിയറിലും വളരെ അധികം മാറ്റങ്ങളുണ്ടാകും. പ്രീമിയം ലുക്കുള്ള ഡാഷ്ബോർഡും പുതിയ സെന്റർ കൺസോളും ഇൻസ്ട്രുമെന്റ് പാനലും ഫ്രീ സ്റ്റാന്റിങ് ടച്ച് സ്ക്രീനുമാണ് വാഹനത്തിന്. കൂടാതെ സ്വിഫ്റ്റിലെ ഫ്ലാറ്റ് ബോട്ടം സ്റ്റിയറിങ് വീലും ലഭിച്ചിട്ടുണ്ട്.

∙ കണക്ടിവിറ്റി ഫീച്ചറുകൾ

കണക്ടിവിറ്റി ഫീച്ചറുകളാണ് ബ്രെസയുടെ പ്രധാന എതിരാളികളായ സോണറ്റിനേയും വെന്യുവിനേയും വ്യത്യസ്തമാക്കുന്നത്. ഇവരോട് നേരിട്ട് മത്സരിക്കാൻ സിം അടക്കമുള്ള കണക്ടിവിറ്റി ഫീച്ചറുകള്‍ പുതിയ ബ്രെസയിലുണ്ടാകുമെന്നാണ് പ്രതീക്ഷ. റിയൽ ടൈം ട്രാക്കിങ്, ജിയോ ഫെൻസിങ്, ഫൈൻഡ് യുവർ കാർ തുടങ്ങിയ സാങ്കേതിക വിദ്യകളും പുതിയ ബ്രെസയിലുണ്ടാകും. കൂടാതെ പാഡിൽ ഷിഫ്റ്റ്, വയർലെസ് ചാർജിങ്, വയർലെസ് ആപ്പിൾ കാർപ്ലെ, ആൻ‍ഡ്രോയിഡ് ഓട്ടോ എന്നിവയുമുണ്ട്.

∙ സുരക്ഷ

ഗ്ലോബൽ എൻസിഎപി ക്രാഷ് ടെസ്റ്റിൽ 4 സ്റ്റാർ സ്വന്തമാക്കിയ കാറാണ് ബ്രെസ. പുതിയ മോഡലിലും സുരക്ഷയുടെ കാര്യത്തിൽ യാതൊരു വിട്ടുവീഴ്ചയും ചെയ്യില്ല. സുസുക്കിയുടെ ഗ്ലോബൽ സി പ്ലാറ്റ്ഫോമിലാണ് കാറിന്റെ നിർമാണം. കൂടാതെ ആറ് എയർബാഗുകൾ, ഇഎസ്പി റീഇൻഫോഴ്സ് ചെയ്ത സ്ട്രക്ച്ചർ തുടങ്ങിയവയും പുതിയ വാഹനത്തിൽ പ്രതീക്ഷിക്കാം.

English Summary: Maruti Suzuki Brezza Booking Opens, Price Announcement in June 30

വാഹന സംബന്ധമായ സേവനങ്ങളെക്കുറിച്ച് അറിയാൻ, തിരയാംwww.quickerala.com

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
Video

എല്ലാം അറിയുന്നവൻ മമ്മൂട്ടി. ft - സോളമന്റെ തേനീച്ചകൾ | Exclusive Chat With Mammootty

MORE VIDEOS