23.10 ലക്ഷം രൂപ, ബിഎംഡബ്ല്യു അഡ്വഞ്ചർ ബൈക്കിൽ സൗബിൻ

ബിഎംഡബ്ല്യു മോട്ടറാഡിന്റെ അഡ്വഞ്ചർ ബൈക്ക് സ്വന്തമാക്കി നടൻ സൗബിൻ ഷാഹിർ. ഏകദേശം 23.10 ലക്ഷം രൂപ എക്സ്ഷോറൂം വില വരുന്ന ബിഎംഡബ്ല്യു ആർ 1250 ജിഎസ്എ ട്രോഫി എഡിഷനാണ് സൗബിന്റെ ഏറ്റവും പുതിയ ബൈക്ക്. കൊച്ചിയിലെ ബിഎംഡബ്ല്യു മോട്ടറാഡ് വിതരണക്കാരായ ഇവിഎം ഓട്ടോക്രാഫ്റ്റിൽ നിന്നാണ് സൗബിൻ ബൈക്ക് വാങ്ങിയത്.

ബിഎംഡബ്ല്യുവിന്റെ ഏറ്റവും പ്രശസ്ത അഡ്വഞ്ചർ ബൈക്കുകളിലൊന്നായ ആർ 1250 ജിഎസിന്റെ പ്രത്യേക പതിപ്പാണ് ട്രോഫി എഡിഷൻ. 1254 സിസി ട്വിൻ സിലിണ്ടർ ബോക്സർ എൻജിൻ ഉപയോഗിക്കുന്ന വാഹനത്തിന് 136 എച്ച്പി കരുത്തും 143 എൻഎം ടോർക്കുമുണ്ട്. നേരത്തെ മഞ്ജു വാരിയരും ബിഎംഡബ്ല്യു ആർ 1250 ജിഎസ് വാങ്ങിയിരുന്നു.

English Summary: Soubin bought BMW R 1250 GS Trophy Editon