ദേശീയപാതയിൽ എതിർദിശയിൽ വാഹനമോടിച്ചു, ഇത് കാർ ഡ്രൈവർ ഉണ്ടാക്കിയ അപകടം–വിഡിയോ

ദൽഹി–മീററ്റ് ദേശീയ പാതയിൽ എതിർദിശയിലുടെ സഞ്ചരിച്ച് കാർ സൃഷ്ടിച്ചത് വലിയ അപകടം. ആറു വരി പാതയിലൂടെ എതിർദിശയിലേക്ക് സഞ്ചരിച്ച വാഹനം ബൈക്കിലും കാറിലും ഇടിച്ച് തലകുത്തനെ മറിയുകയായിരുന്നു. അപകടത്തിൽ കാറിലേയും ബൈക്കിലേയും യാത്രക്കാർക്ക് ഗുരുതരമായ പരിക്കുകൾ ഏറ്റിട്ടുണ്ട്. കൂടുതൽ വിവരങ്ങൾ ലഭ്യമല്ല.‌

ദേശീയപാതകളിലെ വൺവേ ട്രാഫിക്കും ലൈനുകളുമെല്ലാം അപകടങ്ങൾ ഒഴിവാക്കി യാത്ര ചെയ്യുന്നതിനാണ്. അതൊന്നും പാലിക്കാതെ വാഹനമോടിച്ചാൽ അപകടം വരുമെന്ന് ഉറപ്പാണ് എന്നാണ് വിഡിയോയിൽ നിന്ന് മനസിലാകുന്നത്. അമിതവേഗത്തിൽ എത്തുന്ന കാർ കണ്ട് മറ്റ് ബൈക്കുകാർ വെട്ടിച്ച് മാറ്റുന്നതും വിഡിയോയിൽ കാണാം. അപകടകരമാണെന്ന് അറിഞ്ഞിട്ടും ഇത്തരത്തിൽ എതിർ ദിശയിൽ കാറോടിച്ച ഡ്രൈവറുടെ പ്രവർത്തിയാണ് ഈ അപകടത്തിന് കാരണം.