Manoramaonline.com no longer supports Internet Explorer 8 or earlier. Please upgrade your browser.  Learn more »

3.90 ലക്ഷം കാർ ഫോഡ് തിരിച്ചുവിളിക്കുന്നു

Ford Fusion

ഓട്ടത്തിനിടെ വാതിൽ തുറന്നു പോകാനുള്ള സാധ്യത പരിഗണിച്ചു യു എസ് നിർമാതാക്കളായ ഫോഡ് 3.90 ലക്ഷം കാറുകൾ തിരിച്ചുവിളിക്കുന്നു. വാതിൽ ശരിയായി അടയാത്തതാണ് അപകടഭീഷണി സൃഷ്ടിക്കുന്നതെന്നാണു കമ്പനിയുടെ കണ്ടെത്തൽ.

‘ഫിയസ്റ്റ’, ‘ഫ്യൂഷൻ’, ‘ലിങ്കൺ എം കെ സെഡ്’ തുടങ്ങി 2012 — 2014 കാലത്തു നിർമിച്ച നാലു ലക്ഷത്തോളം കാറുകൾക്കാണു പരിശോധന ആവശ്യമായി വരിക.ഡോർ ലാച് സ്പ്രിങ് അസംബ്ലിയിലെ ഭാഗം അടർന്ന് ലാച്ചിന്റെ പ്രവർത്തനം തകരാറിലാവുന്നതാണു പ്രശ്നമെന്നു ഫോഡ് കണ്ടെത്തിയിട്ടുണ്ട്. ഇതോടെ ഓട്ടത്തിനിടയിൽ വാതിൽ തുറന്ന് അപകടം സംഭവിക്കാൻ സാധ്യതയുണ്ട്.

തകരാറിലായ വാതിൽ വന്നിടിച്ച് രണ്ടു പേരുടെ തോളിനു പരുക്കേറ്റതായി ഫോഡ് സ്ഥിരീകരിച്ചിട്ടുണ്ട്. കൂടാതെ മറ്റൊരു അപകടത്തിൽ തുറന്നു പോയ വാതിൽ പാർക്കിങ്ങിൽ കിടന്ന കാറിലും ഇടിച്ചിരുന്നു. തകരാർ സംശയിക്കുന്ന കാറുകളുടെ നാലു വാതിലും ഡീലർഷിപ്പുകളിൽ സൗജന്യമായി അറ്റകുറ്റപ്പണി നടത്തി നൽകുമെന്നാണു ഫോഡിന്റെ വാഗ്ദാനം.

Your Rating:

Disclaimer

ഇവിടെ പോസ്റ്റ് ചെയ്യുന്ന അഭിപ്രായങ്ങൾ മനോരമയുടേതല്ല. അഭിപ്രായങ്ങളുടെ പൂർണ്ണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാറിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.