Alto 800
ഇന്ത്യയിൽ ഏറ്റവും അധികം വിൽപ്പനയുള്ള മോഡലായ ഓൾട്ടോയുടെ ഡീസൽ പതിപ്പുമായി മാരുതി സുസുക്കി എത്തുന്നു. കമ്പനി ഔദ്യോഗികമായി പ്രഖ്യാപിച്ചിട്ടില്ലെങ്കിലും അടുത്തമാസം ആദ്യം നടക്കുന്ന ഡല്‍ഹി ഓട്ടോ എക്സ്പോയിൽ വാഹനം പ്രദർശിപ്പിക്കുമെന്നാണ് കരുതുന്നത്. ഫെബ്രുവരി ആദ്യ പ്രദശിപ്പിക്കുന്ന ഡീസൽ ഓൾട്ടോ ഈ വർഷം തന്നെ വിപണിയിലെത്തുമെന്നാണ് കരുതുന്നത്.
മാരുതി സെലേറിയോയിലൂടെ വിപണിയിൽ അരങ്ങേറ്റം കുറിച്ച 793 സിസി രണ്ടു സിലിണ്ടർ എൻജിൻ തന്നെയായിരിക്കും ഓൾട്ടോ ഡീസലിലും ഉപയോഗിക്കുക. 3500 ആർപിഎമ്മിൽ 46 ബിഎച്ച്പി കരുത്തും 2000 ആർപിഎമ്മിൽ 125 എൻഎം ടോർക്കുമുള്ള എൻജിനാണ് സെലേറിയോ ഡീസലിൽ ഉപയോഗിക്കുന്നത്. മാനുവൽ ഗിയർബോക്സിനെ കൂടാതെ നാലു സ്പീഡ് ഓട്ടോമാറ്റിക്ക് വകഭേദവും ഡീസൽ എൻജിൻ മോഡലിലുണ്ടാകുമെന്നാണ് അറിയുന്നത്.
×
