റോയൽ എൻഫീൽഡിന്റെ ഏറ്റവും പുതിയ ബൈക്ക് ഹിമാലയൻ ഉടൻ എത്തും. അടുത്തവർഷം ആദ്യം നടക്കുന്ന ഡൽഹി ഓട്ടോഎക്സ്പോയിൽ ഹിമാലയന്റെ പുറത്തിറക്കലുണ്ടാകുമെന്നാണ് കരുതുന്നത്. രണ്ട് എഞ്ചിൻ വകഭേദങ്ങളിൽ ഹിമാലൻ പുറത്തിറങ്ങുമെന്നാണ് കരുതുന്നത്. 750 സിസി 410 സിസി എഞ്ചിനുകളാകും ഹിമാലനുണ്ടാകുക.
പൂർണ്ണമായും പുതിയ പ്ലാറ്റ്ഫോമിൽ നിർമ്മിക്കുന്ന ഹിമാലൻ ഇന്നുവരെ റോയൽ എൻഫീൽഡ് പുറത്തിറക്കിയ ബൈക്കുകളിൽ നിന്നെല്ലാം വ്യത്യസ്തനാണ്. ഇന്ത്യയിൽ അധികം വേരോട്ടമില്ലാത്ത അഡ്വഞ്ചർ ടൂറർ എന്ന ക്യാറ്റഗറിയിലായിരിക്കും ബൈക്ക് എത്തുക. സൂപ്പർ ബൈക്കുകളോട് മത്സരിക്കാനെത്തുന്ന ഹിമാലയന്റെ 400 സിസി പതിപ്പിന് 24 ബിഎച്ച്പി കരുത്തുണ്ടാകും.
പരമ്പരാഗത പുഷ് റോഡ് സെറ്റ്അപ്പിൽ നിന്ന് വ്യത്യാസമായി ഓവർഹൈഡ് ക്യാം എഞ്ചിനായിരിക്കും ഹിമാലയനിൽ. കുറച്ചു നാളുകള്ക്ക് മുമ്പ് റോയൽ എൻഫീൽഡ് പുറത്തിറക്കിയ കോണ്ടിനെന്റൽ ജിടി എന്ന ബൈക്കിന്റെ ഡിസൈൻ നിർവ്വഹിച്ച ഹാരി പെർഫോമൻസാണ് ഹിമാലയന്റേയും ഡിസൈൻ നിർവ്വഹിച്ചിരിക്കുന്നത്. 1.65 ലക്ഷം മുതൽ രണ്ട് ലക്ഷം വരെയായിരിക്കും ഹിമാലയന്റെ വില.
Disclaimer
ഇവിടെ പോസ്റ്റ് ചെയ്യുന്ന അഭിപ്രായങ്ങൾ മനോരമയുടേതല്ല. അഭിപ്രായങ്ങളുടെ പൂർണ്ണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാറിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.