ഇനി വരും പിക്കാന്റൊ
Mail This Article
സെൽറ്റോസിെൻറ വിജയം ആവർത്തിക്കാൻ ഇനിയെത്തുന്നത് പിക്കാന്റൊ? കിയയുെട നീണ്ട നിരയിൽനിന്ന് അടുത്തതായി വരാനിരിക്കുന്നത് ചെറുകാറായ പിക്കാന്റൊയാണെന്നാണ് കേഴ്വി. പിക്കാന്റൊയ്ക്കായി കാത്തിരിക്കണോ? ഇതാ കുറെ കാരണങ്ങൾ.
∙ ശരിക്കും പ്രീമിയം: ഹാച്ച് ബാക്കിൽ ആഡംബര കാറിന്റെ തികവുകൾ. ഒരുപക്ഷേ ബിഎംഡബ്ല്യു വൺ സീരീസോ മെഴ്സിഡീസ് എ ക്ലാസോ നൽകുന്നതിനു തുല്യമായ സൗകര്യങ്ങളാണ് ചെറു ഹാച്ചായ പിക്കാന്റൊ തരുന്നത്. സെൽറ്റോസിൽ 8 സ്പീക്കർ ബോസ് സൗണ്ട് സിസ്റ്റം വന്നതു പോലെ ചില അദ്ഭുതങ്ങൾ.
∙ അപാര സ്െെറ്റലിങ്: കിയ കാറുകളെ സ്െെറ്റലിങ്ങിൽ ആർക്കും പിന്നിലാക്കാനാവില്ലെന്ന് ലോകസഞ്ചാരം നടത്തിയവർക്കറിയാം. പ്രത്യേകിച്ചും ഗൾഫ് നാടുകളിലുള്ളവർക്ക്. കുറഞ്ഞ വിലയ്ക്ക്, കണ്ടാൽ കണ്ണെടുക്കാൻ തോന്നാത്ത കാറുകൾ. അതാണ് കിയ; പിക്കാെന്റൊയും.
∙ ജി ടി: സ്റ്റൈലിങ്ങിനൊപ്പം പെർഫോമൻസ് കൂടിച്ചേർത്താലോ? അതാണ് പിക്കാന്റൊ ജിടി െെലൻ. കറുപ്പ്, വെളുപ്പ് നിറങ്ങളിൽ മനോഹരമായ ചുവപ്പ് അല്ലെങ്കിൽ നീല വരകളിലൂടെ കോറിയിടുന്ന സ്പോർട്ടിനെസ്സ്. ഉള്ളിലും ഉണ്ട് ഈ സ്പോർട്ടി ഫിനിഷ്. എന്നാൽ കാര്യങ്ങൾ വ്യത്യസ്തമാക്കുന്നത് ഹ്യുണ്ടേയ് വെന്യൂവിലൂടെ നമുക്കു സുപരിചിതമായ 1 ലീറ്റർ ടർബോ പെട്രോൾ എൻജിനും ഡിസിടി ഒാട്ടമാറ്റിക് ഗിയർ ബോക്സുമാണ്.
∙ സൺറൂഫും കണക്ടിവിറ്റിയും: രണ്ടും തമ്മിൽ ബന്ധമൊന്നുമില്ലെങ്കിലും ഇന്നും ചെറുകാറുകളിലേക്കു കടക്കാൻ മടിച്ചു നിൽക്കുന്ന ഫീച്ചറുകളാണിവ. പിക്കാന്റൊയ്ക്ക് ഇതു രണ്ടുമുണ്ട്. എല്ലാ അർഥത്തിലും ഇന്റർനെറ്റ് കാർ. അതുപോലെ, 16 ഇഞ്ച് അലോയ് വീലുകൾ പോലെ ഈ വിഭാഗത്തിൽ ഒറ്റയ്ക്കും പെട്ടയ്ക്കും എത്തുന്ന ഫീച്ചറുകൾ കിയ വാരി വിതറിയിരിക്കുന്നു.
∙ അതുക്കും മേലെ: പിക്കാന്റൊ വാങ്ങാനുള്ള മറ്റൊരു കാരണം അതു കിയ ആണെന്നതാണ്. ഹ്യുണ്ടേയ് സഹസ്ഥാപനം. ഇന്ത്യയിൽ ഗുണമേന്മ തെളിയിച്ച ഹ്യുണ്ടേയ് തന്നെ കിയയ്ക്കുള്ള ഗാരന്റി. അതിനു മുകളിൽ രൂപഭംഗിയും സൗന്ദര്യവും സമന്വയിക്കുന്നുവെന്നേയുള്ളൂ.
∙ വിൽപനാനന്തരം: മികച്ച വിൽപന, സർവീസ് സൗകര്യങ്ങളാണ് കിയ ഒരുക്കിയിരിക്കുന്നത്. കേരളത്തിലെ ഏറ്റവും മികച്ച ഡീലർഷിപ്പുകൾ നടത്തുന്ന സ്ഥാപനങ്ങൾക്കാണ് തിരഞ്ഞു പിടിച്ച് കിയ ഡീലർഷിപ്പുകൾ നൽകിയിരിക്കുന്നത്. അതുകൊണ്ടുതന്നെ മികവ് ഡീലർഷിപ്പിൽനിന്നു പ്രതീക്ഷിക്കാം.