ഇന്ധനവില കുറയ്ക്കാൻ കേന്ദ്രസർക്കാരും വിവിധ സംസ്ഥാനങ്ങളും തീരുമാനിച്ചപ്പോൾ ജനത്തിന് ആശ്വാസമായെങ്കിലും കാർ നിർമാതാക്കൾക്ക് ഉറക്കം നഷ്ടപ്പെടാനാണു സാധ്യത. ഏറെക്കാലമായി, പെട്രോളും ഡീസലും തമ്മിലുള്ള വില വ്യത്യാസം നേർത്തു നേർത്ത് രണ്ടോ മൂന്നോ രൂപ മാത്രമായതോടെ ജനം പെട്രോൾ കാറുകളിലേക്ക് കൂടുതൽ ചായ്‌വു കാണിച്ചു വരുകയായിരുന്നു. എന്നാൽ ഇപ്പോഴത്തെ വില കുറയ്ക്കലിനുശേഷം പെട്രോളിനു ഡീസലിനെക്കാൾ വളരെ ഉയർന്ന വിലയാണു പല സംസ്ഥാനങ്ങളിലും. കേരളത്തിൽ ഒരു ലീറ്റർ പെട്രോളും ഒരു ലീറ്റർ ഡീസലും തമ്മിലുള്ള വില വ്യത്യാസം 12.75 രൂപയാണ്. മൊത്തം സംസ്ഥാനങ്ങളിലെ സ്ഥിതി നോക്കിയാൽ ലീറ്ററിന് 6 രൂപ മുതൽ 18 രൂപ വരെയാണ് വ്യത്യാസം.
