New Alto 800
മാരുതിയുടെ ജനപ്രിയ ഹാച്ച് ഓട്ടോയുടെ മുഖം മിനുക്കിയ പതിപ്പ് വിപണിയിലെത്തി വില 2.59 ലക്ഷം മുതൽ. പഴയ ഓൾട്ടോ 800 െനക്കാൾ കൂടുതൽ മൈലേജുമായാണ് പുതിയ കാർ എത്തിയതെന്നാണ് കമ്പനി അറിയിക്കുന്നത്. ഒരു ലിറ്റർ പെട്രോളിൽ 24.7 കിലോമീറ്റ് മൈലേജ് ഓൾട്ടോ നൽകും എന്നാണ് കമ്പനിയുടെ അവകാശവാദം. മുന്നിലും പിന്നിലും ഉൾഭാഗത്തും മാറ്റങ്ങളുമായിട്ടായിട്ടാണ് പുതിയ ഓൾട്ടോ 800 എത്തിയത്.
പുതിയ ഹെ‍ഡ്‌ലാമ്പ്, ഗ്രില്ലുകൾ, പുതുക്കിയ മുൻ-പിൻ ബമ്പർ എന്നിവ കാറിന്റെ പ്രത്യേകതയാണ് പഴയ മോഡലിനെക്കാൾ 35 എംഎം നീളവും കാറിന് കൂടിയിട്ടുണ്ട്. കൂടാതെ രണ്ട് പുതിയ കളറുകളും പുതിയ മോഡലിനുണ്ട്. എന്നാൽ മൈലേജ് വർദ്ധിപ്പിച്ചതൊഴിച്ച് എൻജിനിൽ കാര്യമായ മാറ്റങ്ങളില്ല. 796 സിസി അഞ്ച് സ്പീഡ് ഗിയർബോക്സ് തന്നെയായിരിക്കും കാറിന്. 6000 ആർപിഎമ്മിൽ 47.65 പിഎസ് കരുത്തും 3500 ആർപിഎമ്മിൽ 69 എൻഎം ടോർക്കുമാണ് എൻജിൻ ശേഷി.
2.59 ലക്ഷം മുതൽ 3.46 ലക്ഷം രൂപ വരെയാണ് വാഹനത്തിന്റെ കൊച്ചി എക്സ്ഷോറൂം വിലകൾ. അഞ്ച് സ്പീഡ് മാനുവൽ ട്രാൻസ്മിഷൻ കൂടാതെ എഎംടി വകഭേദവും പുതിയ ഓൾട്ടോയിലുണ്ടാകും.
കൊച്ചി എക്സ്ഷോറൂം വില
സ്റ്റാന്‍ഡേര്‍ഡ് - 2.59 ലക്ഷം രൂപ
സ്റ്റാന്‍ഡേര്‍ഡ് ഓപ്ഷന്‍ - 2.66 ലക്ഷം രൂപ
എല്‍എക്സ്‍ - 2.94 ലക്ഷം രൂപ
എല്‍എക്സ്‍ ഓപ്ഷന്‍ - 3.04 ലക്ഷം രൂപ
എല്‍എക്സ്‍ഐ - 3.20 ലക്ഷം രൂപ
എല്‍എക്സ്‍ഐ ഓപ്ഷന്‍ - 3.26 ലക്ഷം രൂപ
വിഎക്സ്‍ഐ - 3.40 ലക്ഷം രൂപ
വിഎക്സ്‍ഐ ഓപ്ഷന്‍- 3.46 ലക്ഷം രൂപ.
