മാരുതിയുടെ പുതുപുത്തൻ എക്സ് എൽ സിക്സ് ഇറങ്ങുമ്പോൾ ആരൊക്കെ പേടിക്കും? നിലവിലുള്ള എല്ലാ എം പി വികളും തെല്ലു ഭയക്കും. കാരണം രൂപഗുണത്തിലും യാത്രാസുഖത്തിലും ആഡംബരത്തിലും ഇന്ധനക്ഷമതയിലും വിൽപനാനന്തര സേവനമികവിലും മാത്രമല്ല വിലക്കുറവിലും എക്സ് എൽ സിക്സിനെ വെല്ലാൻ വേറൊരു എം പി വി നിലവിലില്ല. സമാന സൗകര്യങ്ങളുള്ള എതിർ മോഡലിനെക്കാൾ 5 ലക്ഷം രൂപയോളം വിലക്കുറവ്. പിന്നെ പേടിക്കാതിരിക്കുമോ?
