ഇയു തിരിച്ചറിയൽ കാർഡിൽ ഇനി വിരലടയാളം നിർബന്ധം
Mail This Article
ബർലിൻ ∙ യൂറോപ്യൻ യൂണിയനിലെ അംഗ രാജ്യങ്ങളിലെ പൗരന്മാർക്കുള്ള തിരിച്ചറിയൽ കാർഡിൽ (ഐഡി) വിരൽ അടയാളം നിർബന്ധമാക്കി കൊണ്ടുള്ള ഉത്തരവ് കഴിഞ്ഞ ദിവസം പുറത്തിറങ്ങി.
കഴിഞ്ഞ ഫെബ്രുവരിയിൽ യൂറോപ്യൻ പാർലമെന്റ് അംഗീകരിച്ച പ്രമേയത്തിനാണ് ഇപ്പോൾ അംഗീകാരമായത്.
അടുത്ത രണ്ട് വർഷത്തിനുള്ളിൽ യൂറോപ്യൻ യൂണിയനിൽപ്പെട്ട 28 രാജ്യങ്ങളിൽ ഈ നടപടി നടപ്പിലാക്കണം.
ജർമനി ഉൾപ്പടെ പത്തിലധികം യൂറോപ്യൻ രാജ്യങ്ങളിൽ വിരലടയാളം തിരിച്ചറിയൽ കാർഡിൽ ഇപ്പോൾ രേഖപ്പെടുത്തുന്നില്ല.2007 മുതൽ ജർമൻ പാസ്പോർട്ടുകളിൽ വിരലടയാളം പതിപ്പിക്കുന്നുണ്ട്.
യൂറോപ്പിലേക്ക് അനധികൃതമായി കടന്നുവരുന്ന ക്രിമിനലുകളും, ഭീകര പ്രവർത്തകരെയും തടയുകയാണ് ഈ നടപടികൊണ്ട് പ്രധാന ഉദ്ദേശം.
യൂറോപ്യൻ യൂണിയനിലെ 80 ദശലക്ഷം (മില്യൻ) പൗരന്മാരുടെ തിരിച്ചറിയൽ കാർഡിൽ വിരലടയാളം രേഖപ്പെടുത്തിയിട്ടില്ലെന്നാണ് സൂചന.