പ്രളയക്കെടുതി: വെനീസില് അടിയന്തരാവസ്ഥ
Mail This Article
വെനീസ് ∙ രൂക്ഷമായ പ്രളയക്കെടുതികള് കണക്കിലെടുത്ത് ഇറ്റാലിയന് നഗരം വെനീസില് അധികൃതര് അടിയന്തരാവസ്ഥ പ്രഖ്യാപിച്ചു. നഗരത്തിലെ പലടിയങ്ങളിലും ജലനിരപ്പ് ആറടി വരെ ഉര്ന്നിരുന്നു. ഇവിടത്തെ ചരിത്രപ്രാധാന്യമുള്ള ബസിലിക്കയ്ക്കും വെള്ളക്കെട്ട് കാരണം കാര്യമായ കേടുപാടുകള് സംഭവിച്ചിട്ടുണ്ട്. പലയിടങ്ങളിലും വൈദ്യുതി വിതരണം തടസപ്പെട്ടിരിക്കുകയാണ്.
യുനെസ്കോ ലോക പൈതൃകപ്പട്ടികയില് ഉള്പ്പെടുത്തിയിട്ടുള്ള നഗരത്തിന്റെ എണ്പതു ശതമാനവും വെള്ളം നിറഞ്ഞിരുന്നു. അസാധാരണമാം വിധം ശക്തമായ രീതിയില് കടലില് നിന്നു വേലിയേറ്റമുണ്ടായതാണ് ഇതിനു പ്രധാന കാരണമായത്.
രാജ്യത്തിന്റെ ഹൃദയത്തിനേറ്റ കനത്ത ആഘാതമെന്നാണ് വെനീസിലെ പ്രളയത്തെ ഇറ്റാലിയന് പ്രധാനമന്ത്രി യൂസപ്പെ കോണ്ടെ വിശേഷിപ്പിച്ചത്. പ്രതിസന്ധി മറികടക്കുന്നതിന് ആവശ്യമായ ഫണ്ടും അടിസ്ഥാന സൗകര്യങ്ങളും അടിയന്തരമായി അനുവദിക്കുമെന്നും അദ്ദേഹം അറിയിച്ചു.