എയര്‍ ന്യൂസിലന്‍ഡ് ലോകത്തെ ഏറ്റവും മികച്ച വിമാനം
Mail This Article
ബര്‍ലിന്‍ ∙ ലോകത്തെ ഏറ്റവും മികച്ച എയര്‍ലൈനായി എയര്‍ ന്യൂസിലന്‍ഡിനെ തെരഞ്ഞെടുത്തു. എയര്‍ലൈന്‍ റാങ്കിങ് ഡോട്ട് കോം എന്ന വെബ്സൈറ്റാണ് റാങ്കിങ് തയാറാക്കിയത്. ഇതിന്റെ അടിസ്ഥാനത്തില്‍ എയര്‍ലൈന്‍ എക്സലന്‍സ് അവാര്‍ഡുകളും പ്രഖ്യാപിച്ചു. സുരക്ഷയും സര്‍ക്കാര്‍ ഓഡിറ്റുകളും അടക്കം 12 ഘടകങ്ങള്‍ കണക്കിലെടുത്താണ് റാങ്കിങ് തയാറാക്കിയിരിക്കുന്നത്. വിമാനങ്ങളുടെ പഴക്കം, യാത്രക്കാരുടെ അഭിപ്രായം, ലാഭം, നിക്ഷേപകരുടെ റേറ്റിങ്, ജീവനക്കാരുടെ പെരുമാറ്റം എന്നിവയെല്ലാം ഇതില്‍ ഉള്‍പ്പെടുന്നു.
കഴിഞ്ഞ വര്‍ഷം ഒന്നാം സ്ഥാനത്തായിരുന്ന സിംഗപ്പൂര്‍ എയര്‍ലൈന്‍സിനെ എയര്‍ ന്യൂസിലാന്‍ഡ് ഇക്കുറി രണ്ടാം സ്ഥാനത്തേക്കു പിന്തള്ളി. ആറാം തവണയാണ് അവര്‍ ഈ സ്ഥാനം സ്വന്തമാക്കുന്നത്. ജപ്പാന്റെ ഓള്‍ നിപ്പോണ്‍ എയര്‍വേയ്സാണ് മൂന്നാം സ്ഥാനത്ത്. കാന്റാസ് നാലും കാത്തി പസഫിക് അഞ്ചും സ്ഥാനങ്ങള്‍ നേടി. ലോകത്തെ മികച്ച 20 എയര്‍ലൈനുകളുടെ 13 വിഭാഗങ്ങളിലായി എയര്‍ലൈന്‍ റേറ്റിംഗ്സ്.കോം പ്രത്യേക അവാര്‍ഡുകളും നല്‍കുന്നുണ്ട്. ഇതിന്റെയടിസ്ഥാനത്തില്‍ എയര്‍ ന്യൂസിലാന്റ് മികച്ച പ്രീമിയം ഇക്കോണമി അവാര്‍ഡും നേടി.
സിംഗപ്പൂര്‍ എയര്‍ലൈന്‍സ് അതിന്റെ സ്യൂട്ട്സ് ഉല്‍പ്പന്നത്തിന് മികച്ച ഫസ്റ്റ് ക്ലാസ് അവാര്‍ഡ് കരസ്ഥമാക്കി. സിംഗപ്പൂര്‍ എയര്‍ലൈനിന്റെ മുന്‍നിര എയര്‍ബസ് എ 380 കളിലെ മുകളിലത്തെ ഡെക്കിന്റെ മുന്‍വശത്ത് സ്ഥിതിചെയ്യുന്ന ചെറിയ ഹോട്ടല്‍ മുറികള്‍ പോലെ തോന്നിപ്പിക്കുന്ന വിധത്തില്‍ രൂപകല്‍പ്പന ചെയ്തതിനാണ് ഇത് അവര്‍ഡ് കരസ്ഥമാക്കിയത്.
ഖത്തര്‍ എയര്‍വേയ്സ്, ക്വാണ്ടാസ് എയര്‍വേയ്സ്, വിര്‍ജിന്‍ ഓസ്ട്രേലിയ എന്നിവ മികച്ച സമ്പദ്വ്യവസ്ഥയുള്ള എയര്‍ലൈനായി തെരഞ്ഞെടുത്തു. മികച്ച ഇന്‍ഫ്ലൈറ്റ് എന്റര്‍ടൈന്‍മെന്റ് എമിറേറ്റ്സിനും ഏറ്റവും മെച്ചപ്പെട്ട എയര്‍ലൈന്‍ അവാര്‍ഡ് സിബു പസഫിക്കിനും ലഭിച്ചു. മികച്ച അള്‍ട്രാ ലോകോസ്റ്റ് എയര്‍ലൈന്‍ അവാര്‍ഡ് വിയറ്റ് ജെറ്റ് നേടി. യൂറോപ്പ്, അമേരിക്ക, മിഡില്‍ഈസ്റ്റ്/ആഫ്രിക്ക, ഏഷ്യ എന്നിവിടങ്ങളിലെ മികച്ച ലോംഗ് ഹോള്‍, മികച്ച ലോ കോസ്ററ് എന്നീ ഘടശങ്ങളിലാണ് ഇതു നേടിയതെന്നു എയര്‍ലൈന്‍ റേറ്റിംഗ് എഡിറ്റര്‍ ഇന്‍ ചീഫ് ജെഫ്രി തോമസ് പറഞ്ഞു.
2020 ലെ മികച്ച 20 എയര്‍ലൈനുകള്‍
എയര്‍ ന്യൂസിലാന്റ്, സിംഗപ്പൂര്‍ എയര്‍ലൈന്‍സ്, നിപ്പോണ്‍ എയര്‍വേയ്സ്, ക്വാണ്ടാസ്, കാതേ പസഫിക്, എമിറേറ്റ്സ്, വിര്‍ജിന്‍ അറ്റ്ലാന്റിക്, ഇവാ എയര്‍, ഖത്തര്‍ എയര്‍വേയ്സ്, വിര്‍ജിന്‍ ഓസ്ട്രേലിയ, ലുഫ്ത്താന്‍സാ, ഫിന്നെര്‍, ജപ്പാന്‍ എയര്‍ലൈന്‍സ്, കെഎല്‍എം, കൊറിയന്‍ എയര്‍ലൈന്‍സ്, ഹവായിയന്‍ എയര്‍ലൈന്‍സ്, ബ്രിട്ടീഷ് എയര്‍വേയ്സ്, അലാസ്ക എയര്‍ലൈന്‍സ്, ഡെല്‍റ്റ എയര്‍ ലൈനുകള്‍, ഇത്തിഹാദ് എയര്‍വേയ്സ്.
ലോംഗ് ഹാളിനുള്ള മികച്ച എയര്‍ലൈന്‍സ്
ഡെല്‍റ്റ എയര്‍ ലൈന്‍സ് (അമേരിക്കാസ്), ലുഫ്താന്‍സ (യൂറോപ്പ്), എമിറേറ്റ്സ് (മിഡില്‍ ഈസ്റ്റ്/ ആഫ്രിക്ക), കാതേ പസഫിക് എയര്‍വേസ് (ഏഷ്യ) എന്നിവയും നേടി.
മികച്ച കുറഞ്ഞ നിരക്കില്‍ മികച്ച എയര്‍ലൈനുകള്‍
ജെറ്റ്ബ്ളൂ (അമേരിക്കാസ്), വിസ് (യൂറോപ്പ്), എയര്‍ ഏഷ്യ/എയര്‍ ഏഷ്യ എക്സ് (ഏഷ്യ / പസഫിക്), എയര്‍ അറേബ്യ (മിഡില്‍ ഈസ്റ്റ് / ആഫ്രിക്ക) എന്നിവയാണ്.
