എസ്ൻസ് അയർലൻഡ് സംഘടിപ്പിക്കുന്ന ഏകദിന ശാസ്ത്രമേള നാളെ
Mail This Article
ഡബ്ലിൻ ∙ പ്രൈമറി സെക്കൻഡറി തലങ്ങളിൽ പഠിക്കുന്ന വിദ്യാർഥികൾക്കായി എസ്ൻസ് അയർലൻഡ് സംഘടിപ്പിക്കുന്ന ഏകദിന ശാസ്ത്രമേള നാളെ ലൂക്കൻ പാമേഴ്സ്ടൗണിലെ സെന്റ് ലോർക്കൻസ് സ്കൂൾ ഹാളിൽ രാവിലെ 9 മണിക്ക് ആരംഭിക്കും. വൈകിട്ട് 5 മണി വരെ നീളുന്ന പരിപാടിയിൽ സയൻസ് ക്വിസ്, വിവിധ വിഷയങ്ങളിലുള്ള സയൻസ് പ്രൊജക്ട് തുടങ്ങി/ ഇനങ്ങളിൽ മത്സരങ്ങൾ ഉണ്ടാകും .കൂടാതെ വിദ്യാർത്ഥികൾക്ക് സയൻസിനെ കൂടുതൽ അടുത്തറിയാനായി ഒരുക്കുന്ന സയൻസ് കോർണറിൽ മൈക്രോസ്കോപ്പ് ,ടെലിസ്കോപ്പ്, കാന്തങ്ങൾ തുടങ്ങിയവ പരിചയപ്പെടാൻ അവസരമുണ്ട് .
ഡോ. രജത് വർമ്മ, ഡോ. അമിത് ജയ്സ്വാൾ എന്നിവർ കുട്ടികളോട് സംസാരിക്കും. ഡോ. സിതാര പവിത്രൻ, ഡോ. ഷൈജു പരമേശ്വരൻ എന്നിവര് പരിപാടികൾക്ക് നേതൃത്വം കൊടുക്കും. മത്സരങ്ങളിൽ വിജയിക്കുന്നവർക്ക് ക്യാഷ് അവാർഡുകളും ട്രോഫികളും ലഭിക്കും.
പങ്കെടുക്കുന്ന എല്ലാവരും രാവിലെ 9:30 മുൻപായി ഹാളിൽ എത്തിച്ചേരണം. വിവരങ്ങൾക്ക്: 087 226 3917 എന്ന നമ്പറിൽ ബന്ധപെടുക.