യൂറോപ്പിൽ വീണ്ടും സമയ മാറ്റം; ഞായറാഴ്ച ശൈത്യകാലത്തിന് തുടക്കം

ബർലിൻ ∙ കോവിഡ് കാലമാണെങ്കിലും യൂറോപ്പിൽ വീണ്ടും ഞായറാഴ്ച ശൈത്യ കാലത്തിന് തുടക്കം കുറിക്കും. ക്ലോക്കിൽ ഞായറാഴ്ച വെളുപ്പിന് മൂന്ന് മണി, രണ്ടു മണിയാക്കി പുറകോട്ട് വച്ചാണ് ശൈത്യകാലത്തിന്റെ ആരംഭം .

ഒക്ടോബർ മാസത്തിന്റെ അവസാന ഞായറാഴ്ച ആരംഭിക്കുന്ന ഈ ശൈത്യകാല സമയമാറ്റം  2021 മാർച്ച് 28 ഞായറാഴ്ച വരെ തുടരും. അന്ന് പുറകോട്ട് തിരിച്ച് വച്ച ഒരു മണിക്കൂർ മുന്നോട്ടാക്കി സമ്മർ ടൈമിന് തുടക്കം കുറിക്കും.

യൂറോപ്യൻ ജനത ഈ സമയമാറ്റം അവസാനിപ്പിക്കണമെന്ന് മുറവിളി കൂട്ടികൊണ്ട് ഇരിക്കുകയാണ്. 2021 അവസാനം യൂറോപ്യൻ യൂണിയൻ ഈ കാര്യത്തിൽ ഒരു അന്തിമ തീരുമാനം പ്രഖ്യാപിക്കും.