റോസമ്മ മാര്ക്സ് ജര്മനിയില് അന്തരിച്ചു; സംസ്കാരം 28ന്
Mail This Article
കൊളോണ് ∙ ജര്മനിയിലെ കൊളോണില് താമസിക്കുന്ന റോസമ്മ മാര്ക്സ് (റോസി 69) അന്തരിച്ചു. സംസ്കാരം ജനുവരി 28 ന് രാവിലെ കൊളോണില്. ഭര്ത്താവ് : ഹൂബര്ട്ട് മാര്ക്സ്.
കോന്നി അതിരുങ്കല് കിഴക്കേചെരുവില് പരേതരായ ജോര്ജ് വറുഗീസിന്റെയും ഏലിയാമ്മ ജോര്ജിന്റെയും മകളാണ് റോസി. തങ്കച്ചന്, എല്സി (ബോണ്), സണ്ണി, ലിസി (ഓസ്ട്രിയ), ജോസഫ്കുട്ടി, സൂസി എന്നിവര് സഹോദരങ്ങളാണ്. റോസിയുടെ മാതാവിന്റെ സഹോദരിയും മറ്റു ബന്ധുക്കളും ജര്മനിയില് ഉണ്ട്.
1972 ല് ജര്മനിയിലെത്തിയ റോസി ബാങ്കിലെ ജോലിയിൽ നിന്നു വിരമിച്ച് വിശ്രമ ജീവിതത്തിലായിരുന്നു. കൊളോണ് കേരള സമാജം അംഗം, ബ്യ്രൂള് പ്രാർഥനാ ഗ്രൂപ്പ്, സിറോ മലങ്കര കാത്തലിക് കമ്യൂണിറ്റി, റോണ്ഡോര്ഫ് മലയാളി സമൂഹം എന്നിവയിയില് സജീവാംഗമായിരുന്നു. റോസിയുടെ നിര്യാണത്തില് കൊളോണ് കേരള സമാജം, റോണ്ഡോര്ഫ് മലയാളി സമൂഹം, സിറോ മലങ്കര കാത്തലിക് കമ്യൂണിറ്റി, പ്രവാസി ഓണ്ലൈനും അനുശോചിച്ചു.
വാർത്ത ∙ ജോസ് കുമ്പിളുവേലില്