ഒരു കോടി കടന്നു യുക്രെയ്ന് അഭയാര്ഥികള്
Mail This Article
ബര്ലിന്∙ റഷ്യന് അധിനിവേശത്തെ തുടര്ന്ന് യുക്രെയ്നിൽ നിന്നു നാടു വീടും ഉപേക്ഷിച്ച് പലായനം ചെയ്തവിട്ടവരുടെ എണ്ണം ഒരു കോടി പിന്നിട്ടു. യുഎന് അഭയാര്ഥി സംഘടനയുടെ കണക്കനുസരിച്ച് ഇതുവരെ 1.05 കോടി പേരാണ് രാജ്യത്തിന്റെ അതിര്ത്തി കടന്നത്.
ജര്മനി, പോളണ്ട്, റഷ്യ, റുമേനിയ, മള്ഡോവ, ഹംഗറി, സ്ളോവാക്യ എന്നിവിടങ്ങളിലാണ് യുക്രെയ്നിൽ നിന്നുള്ള അഭയാര്ഥികളില് ഏറെ പേരും എത്തിയിട്ടുള്ളത്.
യുക്രെയ്നിയന് അഭയാർഥികള് ജർമനിയില് മോശമായ തൊഴില് സാധ്യതകളെ അഭിമുഖീകരിക്കുന്ന അവസ്ഥയാണുള്ളത്.
ഫെബ്രുവരിയിലെ റഷ്യന് അധിനിവേശത്തിനു ശേഷം ലക്ഷക്കണക്കിന് യുക്രെനിയന് അഭയാർഥികളാണു ജർമനിയിലെത്തിയത്. അവര്ക്കു പാര്പ്പിടം, സാമ്പത്തിക സഹായം, തൊഴില് വിപണി എന്നിവ വാഗ്ദാനം ചെയ്തുവെങ്കിലും എന്നാല് കാര്യങ്ങള് അത്ര എളുപ്പമായിരുന്നില്ല ഇവിടെ .
യുക്രേനിയന് അഭയാര്ഥികള്ക്കായി ബര്ലിന് തൊഴില് മേള ജർമന് കമ്പനികള് ഉക്രേനിയന് അഭയാര്ത്ഥികള്ക്ക് സഹായം നല്കുന്നുണ്ട്. ഫെബ്രുവരി അവസാനം മുതല് യുക്രെയ്നിലെ യുദ്ധത്തില് നിന്ന് രക്ഷപ്പെടാന് ഏകദേശം 9,00,000 കൂടുതല് യുക്രേനിയക്കാര് ജർമനിയിലെത്തിയിട്ടുണ്ട്. അവര് സുരക്ഷിതത്വം കണ്ടെത്തുമ്പോള്, അവരുടെ തൊഴില് സാധ്യതകള് അനിശ്ചിതത്വത്തിലാണെന്ന് എന്നതും മറ്റൊരു കാര്യമാണ്.
യൂറോപ്യന് യൂണിയന് നിര്ദ്ദേശപ്രകാരം, യുക്രെയ്നില് നിന്നുള്ള അഭയാർഥികള്ക്ക് ഇയുവില് മൂന്നു വര്ഷം വരെ സംരക്ഷണ പദവി നല്കി ആരോഗ്യ ഇന്ഷുറന്സ്, തൊഴില് വിപണി എന്നിവയിലേക്കുള്ള പ്രവേശനവും അനുവദിക്കുന്നുണ്ട്.
3,50,000 യുക്രെയ്നിയക്കാര് നിലവില് ജർമനിയില് തൊഴില് തേടുന്നതായി രജിസ്റ്റര് ചെയ്തിട്ടുണ്ട്, എന്നാല് അവരില് പലരും ബുദ്ധിമുട്ടുകയാണ്. മ്യൂണിക്ക് ആസ്ഥാനമായുള്ള ഇക്കണോമിക്സ് റിസര്ച്ച് ഇന്സ്റ്റിറ്റ്യൂട്ട് ഐഎഫ്ഒ ജൂണില് ഏകദേശം 1,000 യുക്രെയ്നിയന് അഭയാർഥികളില് ഒരു സര്വേ നടത്തി, പ്രതികരിച്ചവരില് 90% ജർമനിയില് ജോലി കണ്ടെത്താന് ആഗ്രഹിക്കുന്നുവെങ്കിലും അവരില് പകുതി പേര്ക്കു മാത്രമേ ഇതു ചെയ്യാന് കഴിഞ്ഞിട്ടുള്ളൂവെന്നു കണ്ടെത്തി.
ഒന്നിലധികം വ്യവസായങ്ങളില് വിദഗ്ധ തൊഴിലാളികളുടെ രൂക്ഷമായ ക്ഷാമം ജര്മനി നേരിടുന്നു. ജര്മനിയിലെ ഫെഡറല് ലേബര് ഏജന്സി ജൂണില് ജർമനിയില് ഏകദേശം 9,00,000 ജോലി ഒഴിവുകള് റിപ്പോര്ട്ട് ചെയ്തു, പ്രത്യേകിച്ചു ഗതാഗതം, ലോജിസ്ററിക്സ്, വില്പ്പന, സേവനം, ആരോഗ്യ സംരക്ഷണം എന്നിവയില്.
ഐഎഫ്ഒ ഇന്സ്റ്റിറ്റ്യൂട്ട് ഗവേഷകര് ജര്മന് കമ്പനികളിലെ 1,000 ഹ്യൂമന് റിസോഴ്സ് മാനേജര്മാരെ വിവിധ വ്യവസായങ്ങളില് നിന്നു സര്വേ നടത്തിയപ്പോള്, 83% പേര് പറഞ്ഞതു ജർമന് ഭാഷാ വൈദഗ്ധ്യത്തിന്റെ അഭാവമാണ് ആളുകളെ നിയമിക്കുന്നതിനുള്ള പ്രധാന തടസമെന്ന്.
പല യുക്രെയ്നിയക്കാരും ബഹുഭാഷക്കാരാണ്, പക്ഷേ ജർമന് ഭാഷയെക്കുറിച്ചുള്ള അറിവ് വ്യാപകമല്ല. ഭാഷാ വൈദഗ്ദ്ധ്യം ഏറ്റവും പ്രധാനപ്പെട്ട വെല്ലുവിളിയാണ്, "ഇതു ജർമന് കഴിവുകളെ മാത്രമല്ല, ഇംഗ്ളീഷും കൂടിയാണ്.