യുകെ മലയാളി പോളി മാഞ്ഞൂരാൻ അന്തരിച്ചു

ലണ്ടൻ ∙ യുകെ ഡോർസെറ്റിന് സമീപം ന്യൂ മിൽട്ടനിൽ കുടുംബസമേതം താമസിച്ചിരുന്ന അങ്കമാലി നടുവട്ടം മാഞ്ഞൂരാൻ വീട്ടിൽ പോളി മാഞ്ഞൂരാൻ (55) അന്തരിച്ചു. ബോൺമൗത്ത് റോയൽ ഹോസ്പിറ്റലിൽ ചികിത്സയിൽ തുടരവേയാണ് വെള്ളിയാഴ്ച വൈകിട്ട് 4.45 ന് മരണമടഞ്ഞത്. ശാരീരിക അസ്വസ്ഥതകളെ തുടർന്ന് ജനുവരി 26 നാണ് ആശുപത്രിയിൽ ചികിത്സയ്ക്കായി എത്തിയത്.

‌

യുകെയിലെ പഴയ തലമുറയിലെ ഇടതു പുരോഗമന പ്രസ്ഥാനങ്ങളുടെ നേതൃനിരയിൽ പ്രവർത്തിച്ചിട്ടുള്ള പോളി ഡോർസെറ്റ് മലയാളികൾക്ക് ഏറെ പ്രിയങ്കരനായിരുന്നു. 2004 ലാണ് യുകെയിൽ എത്തിയത്. പോളി മാഞ്ഞൂരാന്റെ വിയോഗത്തിൽ കൈരളി യുകെ ദേശീയ കമ്മിറ്റി അനുശോചനം അറിയിച്ചു. ഭാര്യ: ഷീബ പോളി. മക്കൾ: ഗ്രേസ്, റോസ്, പോൾസൺ. സംസ്കാരം പിന്നീട്.

വാർത്ത: ബിജു കുളങ്ങര