ലണ്ടൻ ∙ ഇന്ത്യൻ ഓർത്തഡോക്സ് യുകെ, യൂറോപ്പ് ആൻഡ് ആഫ്രിക്ക ഭദ്രാസനത്തിൽ സിറ്റി ഓഫ് ലണ്ടൻ ആസ്ഥാനമായി പ്രവർത്തിക്കുന്ന ഓർത്തഡോക്സ് ദേവാലയത്തിന്റെ പുനഃർനാമകരണ പ്രഖ്യാപനം നടത്തി. ഭദ്രാസനധിപൻ എബ്രഹാം മാർ സ്തേഫാനോസ് മെത്രാപ്പൊലീത്തയാണ് ഞായറാഴ്ച നടന്ന വിശുദ്ധ കുർബാനയോട് അനുബന്ധിച്ച് 'സെന്റ് ജോർജ് ഇന്ത്യൻ ഓർത്തഡോക്സ് ചർച്ച്' എന്ന പേരിൽ പുനഃർനാമകരണ പ്രഖ്യാപനം നടത്തിയത്.
കുർബാനയ്ക്ക് എബ്രഹാം മാർ സ്തേഫാനോസ് മെത്രാപ്പൊലീത്ത മുഖ്യ കർമികത്വം വഹിച്ചു. ഇടവക വികാരി റവ. എബ്രഹാം ജോർജ് കോർഎപ്പിസ്കോപ്പ, ഫാ. നിതിൻ പ്രസാദ് കോശി, ഫാ. പി ജെ ബിനു എന്നിവർ സഹ കാർമികത്വം വഹിച്ചു. കുർബാനയിൽ ലണ്ടനിൽ നിന്നും പരിസര പ്രദേശങ്ങളിൽ നിന്നും നൂറുകണക്കിന് വിശ്വാസികൾ പങ്കെടുത്തു. ലണ്ടനിലെ മൊന്യൂമെന്റിലാണ് സെന്റ് ജോർജ് ഇന്ത്യൻ ഓർത്തഡോക്സ് ചർച്ചിന്റെ ആരാധന ഉണ്ടാവുക. എല്ലാ ഞായറാഴ്ച ദിവസങ്ങളിലും ഇവിടെ കുർബാന ഉണ്ടാകും
കൂടുതൽ വിവരങ്ങൾക്ക്:
• റവ. എബ്രഹാം ജോർജ് കോർഎപ്പിസ്കോപ്പ(വികാരി) +447735426059
• ഷൈനു മാത്യു(ട്രസ്റ്റി) +447394563375
• അശോക് മാത്യു(സെക്രട്ടറി) +447735426059
ദേവാലയത്തിന്റെ വിലാസം:-
St George's IOC,
The Guild Church of St Margaret Pattens, Road Lane, East Cheap, London.
Post Code: EC3M 1HS
