ലണ്ടൻ ∙ യുകെയിലും യൂറോപ്പിലും ക്രൈസ്തവ ശാക്തീകരണത്തിന് പുത്തനുണർവേകി മൂന്ന് ദിവസത്തെ അഭിഷേകാഗ്നി ടീം റിട്രീറ്റ് വെയിൽസിൽ സമാപിച്ചു. സുവിശേഷപ്രഘോഷണത്തിന്റെ ആവശ്യകതയും കടമയും ഉദ്ബോധിപ്പിച്ചുകൊണ്ട് റവ.ഫാ. സേവ്യർ ഖാൻ വട്ടായിൽ ശുശ്രൂഷകൾ നയിച്ചു . ശുശ്രൂഷകർക്ക് ആത്മീയ ഉണർവേകി ഫാ. സോജി ഓലിക്കലും എത്തിച്ചേർന്നു.
അഭിഷേകാഗ്നി യുകെ യുടെ ആത്മീയ നേതൃത്വം ഫാ. ഷൈജു നടുവത്താനിയിൽ ,ആനിമേറ്റർ സി. ഡോ.മീന ഇലവനാൽ ,ഡീക്കൻ ജോസഫ് ഫിലിപ്പ് , അഭിഷേകാഗ്നി മിനിസ്ട്രിയുടെ മുഴുവൻ സമയ ശുശ്രൂഷകരായ കോ ഓർഡിനേറ്റർ ജോസ് കുര്യാക്കോസ് , അസി. കോ ഓർഡിനേറ്റർ സാജു വർഗീസ് , സെബാസ്റ്റ്യൻ സെയിൽസ്,നോബിൾ ജോർജ്, സണ്ണി ജോസഫ് , തോമസ് ജോസഫ്, ഷാജി ജോർജ് , അനി ജോൺ , സാറാമ്മ മാത്യു ,സോജി ബിജോ , മിലി തോമസ് , സിൽബി സാബു, റിനി ജിത്തു തുടങ്ങിയവർ ശുശ്രൂഷകൾക്ക് നേതൃത്വം നൽകി.
