ലണ്ടൻ∙ സെന്റ് തോമസ് മോർ ചർച്ച ചെൽട്ടൻഹാം കത്തോലിക്കാ കമ്മ്യൂണിറ്റിയുടെ നേതൃത്വത്തിൽ പരിശുദ്ധ കന്യകാമറിയത്തിന്റെയും വിശുദ്ധ അൽഫോൻസാമ്മയുടെയും സംയുക്ത തിരുനാൾ സെപ്റ്റംബർ 24 ന് സെന്റ് തോമസ് മോർ ദേവാലയത്തിൽ ആഘോഷിക്കും. അന്ന് ഉച്ചകഴിഞ്ഞു 2 30 നു ഇടവക വികാരി ഫാ. ജിബിൻ വമാറ്റത്തിൽ ആഘോഷങ്ങൾക്ക് കൊടിയേറ്റും. തുടർന്ന് ആഘോഷമായ പാട്ടുകുർബാന ഫാ. ജോബി വെള്ളപ്ലാക്കൽ CST യുടെ മുഖ്യ കാർമികത്വം വഹിക്കും. തുടർന്ന് ലദീഞ്ഞ് , വാദ്യമേളങ്ങളുടെ അകമ്പടിയോ
െട പരിശുദ്ധ ദൈവമാതാവിന്റെയും വിശുദ്ധരുടെയും തിരുസ്വരൂപങ്ങൾ വഹിച്ചുകൊണ്ടുള്ള ഭക്തിനിർഭരമായ പ്രദക്ഷിണം, പരിശുദ്ധ കുർബാനയുടെ ആശിർവാദം, സ്നേഹ വിരുന്ന് എന്നിവ നടക്കും. തുടർന്ന് വിവിധ കലാപരിപാടികൾ.
തിരുന്നാൾ ദിവസം കഴുന്ന് എഴുന്നള്ളിക്കുന്നതിനും, അടിമ വയ്ക്കുന്നതിനും സൗകര്യം ഉണ്ടായിരിക്കും. തിരുനാളിന്റെ നടത്തിപ്പിനായി ജിമ്മി പൂവാട്ടിൽ, ജോജി കുരിയൻ, ജിജു ജോൺ, ജോൺസൻ ജോൺ,റാണി വർഗീസ്, മോളി സണ്ണി എന്നിവരുടെ നേതൃത്വത്തിൽ വിവിധ കമ്മിറ്റികൾ പ്രവർത്തിച്ചു വരുന്നു.
