യൂണിറ്റി ഡേ ആഘോഷിച്ച് ജർമനി
Mail This Article
×
ബര്‍ലിന്‍∙ ജർമനിയുടെ ഐക്യത്തിന്റെ 33–ാം വാർഷികം ആഘോഷിച്ചു. വീണ്ടും ഒന്നിച്ചതിനെ അനുസ്മരിച്ചുകൊണ്ട് ചാന്‍സലര്‍ ഒലാഫ് ഷോള്‍സ് ‘ആത്മവിശ്വാസമുള്ള’ ജർമനിയെക്കുറിച്ച് സംസാരിച്ചു. 33 വര്‍ഷമായി രാജ്യം ഇപ്പോഴും നേരിടുന്ന വെല്ലുവിളികളെക്കുറിച്ചാണ് മറ്റ് നേതാക്കള്‍ പറഞ്ഞത്. ചാന്‍സലര്‍ ഒലാഫ് ഷോള്‍സ് തന്റെ രാഷ്ട്രീയ ജീവിതത്തിന്റെ ഭൂരിഭാഗവും ചെലവഴിച്ച വടക്കന്‍ ജർമന്‍ നഗരമായ ഹാംബുര്‍ഗായിരുന്നു ഈ വര്‍ഷത്തെ ആഘോഷങ്ങളിൽ പങ്കുചേർന്നത്.
ദേശീയ നേതാക്കളും പ്രമുഖരും ആതിഥേയത്വം വഹിച്ച ആഘോഷത്തില്‍ ഒട്ടനവധിയാളുകള്‍ പങ്കെടുത്തു. ജര്‍മ്മന്‍ യൂണിറ്റി ഡേ പ്രമാണിച്ച് രാജ്യത്ത് പൊതുഅവധിയായിരുന്നു. 1990ല്‍ കമ്മ്യൂണിസ്റ്റ് കിഴക്കന്‍ ജർമനി ഫെഡറല്‍ റിപ്പബ്ലിക് ഓഫ് ജർമനിയില്‍ ചേര്‍ന്ന ദിവസമാണ് ഒക്ടോബര്‍ 3.
English Summary: Germany celebrates Unity Day
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
