ADVERTISEMENT

ലണ്ടൻ∙  യുകെയിൽ അഭയാര്‍ത്ഥികളായെത്തിയ 17,000ൽപ്പരം പേര്‍ എവിടെയാണെന്നറിയാത്ത ഗുരുതരമായ അവസ്ഥയാണ് നിലവിലുള്ളതെന്ന ഹോം ഓഫിസ്. റുവാണ്ട പദ്ധതി അവസാനിപ്പിക്കേണ്ടി വന്നതും അഭയം തേടി യുകെയിലേക്ക് വരുന്നവരെ താമസിപ്പിക്കാന്‍ ഹോട്ടല്‍ ചെലവ് പെരുകുന്നതുമെല്ലാം ചർച്ചയാകുന്ന സമയത്താണ് ഈ നിർണായക വെളിപ്പെടുത്തൽ.  ഈ അഭയാർത്ഥികൾ അവരുടെ അപേക്ഷ പിൻവലിച്ചുവെന്നും ഹോം ഓഫിസ് അറിയിച്ചു. 17,000ൽപ്പരം അഭയാര്‍ത്ഥികള്‍ എവിടെ നിന്ന് വന്നതാണെന്ന കാര്യവും ഹോം ഓഫിസിന് അറിയില്ലെന്ന വെളിപ്പെടുത്തലും വന്നതോടെ സർക്കാരിനെതിരെ ശക്തമായ ആരോപണവുമായി പ്രതിപക്ഷം രംഗത്ത് വരുന്നുണ്ട്. 

 ഋഷി സുനക് സർക്കാരിന് രാജ്യത്തിന്റെ അതിർത്തികളുടെ നിയന്ത്രണം നഷ്ടമായെന്ന ആരോപണവുമായി ലേബര്‍ നേതാവ് കീര്‍ സ്റ്റാര്‍മര്‍ രംഗത്തെത്തി.അഭയാർത്ഥികളെ കുറിച്ച് അറിയില്ലെന്ന ഹോം ഓഫിസ് വെളിപ്പെടുത്തൽ സർക്കാരിന്റെ ഗുരുതരമായ വീഴ്ചയെന്ന് പ്രതിപക്ഷം ആരോപിക്കുന്നുണ്ട്. 2023 സെപ്റ്റംബറില്‍ അവസാനിച്ച ഒരു വര്‍ഷത്തില്‍ എന്ത് കാരണത്താലാണ് 17,316 അഭയാര്‍ത്ഥികള്‍ അവരുടെ അപേക്ഷകൾ പിന്‍വലിച്ചതെന്ന നിര്‍ണായക ചോദ്യമുന്നയിച്ച് ഹോം അഫയര്‍ സെലക്ട് കമ്മിറ്റി യോഗത്തില്‍ ഭരണകക്ഷി എംപിയായ റ്റിം ലോഫ്ടണ്‍ രംഗത്തെത്തിയിട്ടുമുണ്ട്.

English Summary:

Asylum seekers: Home Office says more than 17,000 are missing

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
അവശ്യസേവനങ്ങൾ കണ്ടെത്താനും ഹോം ഡെലിവറി  ലഭിക്കാനും സന്ദർശിക്കു www.quickerala.com