യൂഹാനോൻ മാർ ക്രിസോസ്റ്റമോസ് ജർമനി സന്ദർശിക്കുന്നു

ഫ്രാങ്ക്ഫര്‍ട്ട് ∙ മലങ്കര ഓർത്തഡോക്സ് സുറിയാനി സഭയുടെ നിരണം ഭദ്രാസനാധിപൻ ഡോ. യൂഹാനോൻ മാർ ക്രിസോസ്റ്റമോസ് മെത്രാപ്പൊലീത്ത ഈ മാസം 14ന് ജർമനിയിൽ സന്ദർശനം ആരംഭിച്ചു. സന്ദർശനം ജൂലൈ ഒന്ന് വരെ നീണ്ടുനിൽക്കും. ജർമനി സെന്‍റ് തോമസ് ഇന്ത്യൻ ഓർത്തഡോക്സ് പള്ളിയിലും ഇടവകയുടെ കീഴിലുള്ള ഫ്രാങ്ക്ഫര്‍ട്ട്, സ്റ്റുർട്ട്ഗാർട്ട്, മ്യൂണിക്ക്, എസ്സൻ എന്നീ നഗരങ്ങളിലെ വിശുദ്ധ കുർബാനയ്ക്കും വിശുദ്ധ ശ്ലീഹന്മാരുടെ പെരുന്നാളുകൾക്കും  യൂഹാനോൻ മാർ ക്രിസോസ്റ്റമോസ് മുഖ്യകാർമ്മികത്വം വഹിക്കും. 

യുവജനപ്രസ്ഥാനത്തിന്‍റെ 2024-25 വർഷത്തെ പ്രവർത്തനോദ്ഘാടനവും ഈ വർഷത്തെ ഒവിബിഎസിന്‍റെ ഉദ്ഘാടനവും  സന്ദർശനവേളയിൽ നിർവ്വഹിക്കുമെന്ന് ഭാരവാഹികൾ അറിയിച്ചു.