നോത്രദാം കത്തീഡ്രലിന്റെ കൂദാശയില്‍ പങ്കെടുക്കാൻ ട്രംപ്

പാരിസ് ∙ പാരിസിലെ നവീകരിച്ച നോത്രദാം കത്തീഡ്രലിന്റെ പുനര്‍ കൂദാശയില്‍ പങ്കെടുക്കുമെന്ന് നിയുക്ത അമേരിക്കന്‍ പ്രസിഡന്റ് ഡോണള്‍ഡ് ട്രംപ് അറിയിച്ചു. ഫ്രഞ്ച് പ്രസിഡന്റ് മക്രോണിന്റെ ക്ഷണം സ്വീകരിക്കുന്നതായിട്ടാണ് ട്രംപ് അറിയിച്ചത്. ഡിസംബര്‍ ഏഴിനാണ് കൂദാശ. പള്ളിയുടെ കൂദാശ പ്രമാണിച്ച് പാരിസില്‍ ഡിസംബർ മൂന്ന് മുതല്‍ ഒന്‍പതു വരെ ഗതാഗത നിയന്ത്രണങ്ങളുണ്ടാകും. റെയില്‍, റോഡ്, മെട്രോ ഗതാഗതങ്ങള്‍ക്കെല്ലാം നിയന്ത്രണമുണ്ട്. പള്ളി സ്ഥിതി ചെയ്യുന്ന സേന്‍ നദിയിലെ ദ്വീപിലെ പ്രത്യേക ക്ഷണിതാക്കള്‍ക്കും സ്ഥിരം താമസക്കാര്‍ക്കും മാത്രമേ പ്രവേശനം അനുവദിക്കൂ.

കര്‍ശനമായ പരിശോധനയ്ക്കു ശേഷമായിരിക്കും പ്രവേശനം എന്നും അറിയിപ്പുണ്ട്. ഡിസംബര്‍ 7, 8 തീയതികളിലാണ് ഔദ്യോഗിക ഉദ്ഘാടനം. പുതുക്കിയ കത്തീഡ്രല്‍ സര്‍ക്കാര്‍ പ്രതിനിധികള്‍ പള്ളി അധികാരികള്‍ക്ക് കൈമാറും, തുടര്‍ന്ന് ആരാധനാലയ ആഘോഷവും ഇവന്റ് കച്ചേരിയും നടക്കും. ഇമ്മാനുവല്‍ മക്രോണിന്റെ പ്രഭാഷണത്തോടെ ആഘോഷങ്ങള്‍ ആരംഭിക്കും.

ഡിസംബര്‍ 8 മുതല്‍ പൊതു സന്ദര്‍ശകരെ സ്വാഗതം ചെയ്യും, പ്രാരംഭ പ്രവൃത്തി സമയം വൈകുന്നേരം 5:30 മുതല്‍ രാത്രി 8:30 വരെ. ആദ്യ ആഴ്ചയില്‍, സാധാരണ തുറക്കുന്ന സമയം ഡിസംബര്‍ 16 മുതല്‍ വീണ്ടും ബാധകമാകുന്നതിന് മുൻപ് രാത്രി 10 മണി വരെ പള്ളിയിലേക്ക് പ്രവേശിക്കാനാകും. ഉച്ചകഴിഞ്ഞ് രണ്ടിന് (ഈസ്റ്റേണ്‍ ടൈം) അമേരിക്കയിലെ പള്ളികളില്‍ മണികളെല്ലാം മുഴക്കണമെന്ന് അമേരിക്കന്‍ മെത്രാന്‍സമിതി നിര്‍ദേശിച്ചു. 

നോത്രദാം കത്തീഡ്രല്‍ തുറക്കുന്ന സമയം തിങ്കള്‍ മുതല്‍ വെള്ളി വരെ രാവിലെ 7:45 മുതല്‍ വൈകിട്ട് 7:00 വരെയും വാരാന്ത്യങ്ങളില്‍ രാവിലെ 8:15 മുതല്‍ വൈകിട്ട് 7:30 വരെയുമാണ്.