ADVERTISEMENT

ബ്രിസ്റ്റോൾ ∙ കുപ്രശസ്ത ലഹരി മാഫിയ തലവൻ പാബ്ലോ എസ്കോബാറിന്‍റെ ഉടമസ്ഥതയിലുണ്ടായിരുന്ന പഴയ ജെറ്റ് വിമാനം ആഡംബര എയർബിഎൻബിയായി മാറ്റിയെടുത്തു. ബ്രിസ്റ്റോളിലെ ഒരു എസ്റ്റേറ്റിലാണ് ഈ വിമാനം നിലവിൽ സ്ഥിതി ചെയ്യുന്നത്.

ഹോട്ട് ടബ്, സ്റ്റീം ബാത്ത് തുടങ്ങിയ സൗകര്യങ്ങളും ഇവിടെയുണ്ട്. ഒരു രാത്രിക്ക് 850 പൗണ്ട് വരെയാണ് താമസത്തിനുള്ള നിരക്ക്. 1968ൽ നിർമിച്ച ഈ വിമാനം 1981ൽ സ്വകാര്യ ജെറ്റായി രൂപമാറ്റം ചെയ്തു. 2012 വരെ ഇത് സർവീസ് നടത്തിയിരുന്നു.

Image Credit: airbnb.co.uk
Image Credit: airbnb.co.uk/h/pytchair

സൗത്ത് ഗ്ലൗസെസ്റ്റർഷയറിലെ ഫിൽട്ടൺ എയർഫീൽഡിലേക്കായിരുന്നു അവസാന യാത്ര. വാൽനട്ട് പാനലിങ്, ലെതർ സീറ്റുകൾ, സ്വർണം പൂശിയ ഷവർ, ടോയ്‌ലറ്റ് തുടങ്ങിയവയാണ് വിമാനത്തിലെ സൗകര്യങ്ങൾ. എൻ-സ്യൂട്ട് ടോയ്‌ലറ്റുകളും ഷവറുകളും ഉള്ള രണ്ട് ഡബിൾ ബെഡ്‌റൂമുകളും കിടക്കകളാക്കി മാറ്റാൻ കഴിയുന്ന സീറ്റുകളും ഇതിലുണ്ട്.

Image Credit: airbnb.co.uk
Image Credit: airbnb.co.uk/h/pytchair

41കാരനായ വ്യവസായി ജോണി പാമറാണ് ഈ പദ്ധതിക്ക് പിന്നിൽ. ബ്രിസ്റ്റോൾ സിറ്റി കൗൺസിലിൽ നിന്ന് അദ്ദേഹം ഇതിനായി അനുമതി നേടിയിരുന്നു. "1968ൽ ജപ്പാൻ എയർലൈൻസിനായി നിർമിച്ചതാണ് ഈ വിമാനം.

1981ൽ ഇത് ഒരു സ്വകാര്യ ജെറ്റായി രൂപമാറ്റം ചെയ്തു. പല ഉടമകളും ഇതിനുണ്ടായിരുന്നു. ഒടുവിൽ 2012ൽ ഇത് ഡീകമ്മീഷൻ ചെയ്തു" പാമർ പറഞ്ഞു. നിലവിൽ വിമാനത്തിന് ചിറകുകളോ എൻജിനുകളോ ഇല്ലെങ്കിലും, എയർസ്റ്റെയർ, ലൈറ്റിങ്, മൂന്ന് ടോയ്‌ലറ്റുകൾ, ഷവർ, അടുക്കള, റഫ്രിജറേറ്റർ, കോക്ക്പിറ്റ് ലൈറ്റുകൾ എന്നിവ പ്രവർത്തിക്കുന്നുണ്ട്.

Image Credit: airbnb.co.uk
Image Credit: airbnb.co.uk/h/pytchair

കലാകാരന്മാർക്ക് സംഗീത വിഡിയോകളോ ഫോട്ടോഷൂട്ടുകളോ നടത്താൻ ജെറ്റ് സൗജന്യമായി വാടകയ്ക്ക് നൽകുമെന്ന് പാമർ പറഞ്ഞു. "ഇതൊരു സ്വകാര്യ ഇടമാണ് എന്നതാണ് ഇതിന്‍റെ ആകെത്തുക.

Image Credit: airbnb.co.uk
Image Credit: airbnb.co.uk/h/pytchair

അവർ അങ്ങനെ ചെയ്താലും ഞാൻ പറയില്ല, കാരണം അതിഥികളുടെ സ്വകാര്യതയെ ബഹുമാനിക്കുന്നത് വളരെ പ്രധാനമാണ്," എയർബിഎൻബിയിൽ സെലിബ്രിറ്റികൾ താമസിച്ചിരുന്നോ എന്ന ചോദ്യത്തിന് മറുപടിയായി പാമർ പറഞ്ഞു.

English Summary:

Pablo Escobar's Jet Transformed into Luxury Airbnb

മനോരമ ഓൺലൈൻ പ്രീമിയം സ്വന്തമാക്കാം
68% കിഴിവിൽ

കൂപ്പൺ കോഡ്:

PREMIUM68
subscribe now
പരിമിതമായ ഓഫർ
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
അവശ്യസേവനങ്ങൾ കണ്ടെത്താനും ഹോം ഡെലിവറി  ലഭിക്കാനും സന്ദർശിക്കു www.quickerala.com