പേരിലെ ദുബായ് പ്രശ്നമായി; തുർക്കിയിൽ നിർമിച്ച ചോക്ലേറ്റുകൾ ജർമനിയിൽ വിൽക്കുന്നതിന് വിലക്ക്

കൊളോൺ∙ തുർക്കിയിൽ നിർമിച്ച ‘അൽയാൻ ദുബായ് ഹാൻഡ് മെയ്‌ഡ് ചോക്ലേറ്റുകൾ’ ഒരു അറിയിപ്പ് ഉണ്ടാകും വരെ ജർമനിയിൽ വിൽക്കാൻ പാടില്ല എന്ന് കൊളോൺ കോടതി ഉത്തരവിട്ടു.

ജർമനിയിലെ യൂറോപ്യൻ സൂപ്പർമാർക്കറ്റ് ഗ്രൂപ്പായ ALDI ആണ് ഈ ചോക്ലേറ്റ് തുർക്കിയിൽ നിന്നും ഇറക്കുമതി ചെയ്യുന്നത്.  ചോക്ലേറ്റിന്‍റെ ലേബലിൽ വ്യക്തമായും ഉത്പന്നം നിർമിക്കുന്നത് തുർക്കിയിലാണെന്ന് വ്യക്തമാക്കിയിട്ടുണ്ടെന്ന് ആൽഡി വാദിച്ചു. എന്നാൽ ഈ ഉത്പന്നത്തിന്‍റെ പേര് ഉപഭോക്താക്കളെ ഇത് ദുബായിൽ നിർമിച്ചതാണെന്ന തെറ്റിധാരണ ഉണ്ടാക്കുന്നതിന് കാരണമാകുന്നതായി കോടതി വിലയിരുത്തി.

ALDI ഈ ഉത്തരവിനെതിരെ വീണ്ടും അപ്പീൽ നൽകിയിട്ടുണ്ട്. പ്രമുഖ സൂപ്പർമാർക്കറ്റ് ഗ്രൂപ്പുകളിൽ എല്ലാം ഈ ചോക്ലേറ്റ് വിൽക്കുന്നുണ്ടായിരുന്നു.
വാർത്ത: അനിൽ മൈലാടുംപാറ