ഉണർവ്വ് ധ്യാനം ജനുവരി 25ന് ബർമിങ്ങാം ബഥേൽ കൺവൻഷൻ സെന്ററിൽ

Mail This Article
ബർമിങ്ങാം ∙ എഎഫ്സിഎം യുകെയുടെ നേതൃത്വത്തിൽ ഉണർവ്വ് ധ്യാനം ബർമിങ്ങാം ബഥേൽ കൺവൻഷൻ സെന്ററിൽ ജനുവരി 25 ന് നടക്കും. ഫാ. സേവ്യർഖാൻ വട്ടായിലും ഫാ. ഷൈജു നടുവത്താനിയും നേതൃത്വം നൽകുന്ന ആത്മീയ ശുശ്രൂഷയ്ക്ക് എഎഫ്സിഎം യുകെ 40 ദിവസത്തെ ഉപവാസവും കുർബാനയും ജപമാലയും അർപ്പിച്ച് ഒരുങ്ങിവരുന്നു.
കുട്ടികൾക്ക് പ്രത്യേക ശുശ്രൂഷ ഉണ്ടായിരിക്കും. കുടുംബങ്ങൾ എല്ലാവരും ഒരുമിച്ച് നവീകരിക്കപ്പെടുക എന്ന ആത്മീയ ലക്ഷ്യമാണ് സംഘാടകർ ഉദ്ദേശിക്കുന്നത്. വിവിധ ഭാഷക്കാരായ കുടുംബങ്ങളെ ഉദ്ദേശിച്ച് ഇംഗ്ലിഷ് ഭാഷയിൽ നടത്തപ്പെടുന്ന ശുശ്രൂഷയ്ക്ക് യുകെയുടെ വിവിധ ഭാഗങ്ങളിൽ നിന്ന് കോച്ചുകൾ ഒരുക്കിയിട്ടുണ്ട്.
യുകെയുടെ ആത്മീയ മേഖലയിൽ ഉണർവ്വ് പ്രതീക്ഷിച്ച് നടത്തപ്പെടുന്ന ധ്യാനത്തിൽ യുവജനങ്ങൾക്കും കൗമാരക്കാർക്കും ഉള്ള വിവരങ്ങൾ അറിയാൻ മിലി - 07877824673, സിൽബി - 07882277268 എന്നിവരെ ബന്ധപ്പെടുക. കോച്ചുകളുടെ വിവരങ്ങൾക്ക് ബിജു - 07515368239, വിൽസൺ - 07956381337 എന്നിവരെ ബന്ധപ്പെടുക. ദൈവകൃപയുടെ ഈ ശുശ്രൂഷയുടെ മറ്റു വിവരങ്ങൾക്ക് സാജു - 07809827074, ജോസ് - 07414747573 എന്നിവരെ ബന്ധപ്പെടാം.