ജര്‍മനിയില്‍ അഭയാര്‍ഥി അപേക്ഷകളുടെ എണ്ണത്തിൽ 29 ശതമാനം കുറവ്
Mail This Article
ബര്‍ലിന്‍ ∙ മുന്‍വര്‍ഷത്തെ അപേക്ഷിച്ച് അഭയാര്‍ഥി അപേക്ഷകളുടെ എണ്ണത്തിൽ ജർമനിയിൽ ഏകദേശം 29 ശതമാനം കുറവ്. അതേസമയം ഫെഡറല്‍ തിരഞ്ഞെടുപ്പ് പ്രചാരണത്തിലെ ഏറ്റവും പ്രധാനപ്പെട്ട പ്രശ്നങ്ങളിലൊന്നാണ് ഈ ഇടിവ് എന്ന് ക്രിസ്റ്റ്യന്‍ ഡെമോക്രാറ്റിക് യൂണിയന്‍ പറയുന്നു. അഭയം, കുടിയേറ്റ നയം. ഫെഡറല്‍ ഓഫിസ് ഫോര്‍ മൈഗ്രേഷന്‍ ആന്‍ഡ് റെഫ്യൂജീസ് അനുസരിച്ച്, അഭയാർഥി അപേക്ഷകളുടെ എണ്ണം മൊത്തം 250,945 ആയിരുന്നു. മുന്‍വര്‍ഷത്തേക്കാള്‍ 28.7 ശതമാനം കുറവാണിത്. സിറിയ, അഫ്ഗാനിസ്ഥാന്‍, തുര്‍ക്കി എന്നിവിടങ്ങളില്‍ നിന്നുള്ളവരാണ് ഇതിൽ ഭൂരിഭാഗവും.
പ്രാഥമിക കണക്കുകള്‍ പ്രകാരം 2024ല്‍ ജര്‍മനിയില്‍ അഭയം തേടിയവരുടെ എണ്ണം മൂന്നിലൊന്ന് കുറവാണ്. എല്ലാ ജര്‍മന്‍ കര അതിര്‍ത്തികളിലും ഇപ്പോള്‍ ഏര്‍പ്പെടുത്തിയിരിക്കുന്ന നിയന്ത്രണങ്ങളിലൂടെ, കള്ളക്കടത്ത് തടയുകയാണ് ലക്ഷ്യം. നിലവില്‍ യൂറോപ്യന്‍ യൂണിയന്‍ കമ്മിഷനില്‍ റജിസ്റ്റര്‍ ചെയ്തിരിക്കുന്ന നിയന്ത്രണങ്ങള്‍ തുടരും. പോളണ്ടുമായുള്ള അതിര്‍ത്തി ഒരു വര്‍ഷത്തിലേറെയായി ഫെഡറല്‍ പൊലീസിന്റെ നിയന്ത്രണത്തിലാണ്.
യൂറോപ്യന്‍ യൂണിയനിലെ അഭയാര്‍ഥി അപേക്ഷകളില്‍ ജര്‍മനി മുന്‍പന്തിയില്‍ തുടരുമ്പോഴും സ്പെയിന്‍, ഫ്രാന്‍സ്, ഇറ്റലി എന്നീ രാജ്യങ്ങള്‍ അഭയം തേടുന്നവരുടെ എണ്ണം ഇപ്പോഴും വളരെ കൂടുതലാണ്. മൈഗ്രേഷന്‍ നയത്തില്‍ നയപരമായ മാറ്റം അനിവാര്യമാണ്. ആഭ്യന്തര അതിര്‍ത്തികളിലെ അനധികൃത കുടിയേറ്റം തടയുക എന്നതാണ് ഈ നയത്തിന്റെ കാതല്‍.
Germany Reports Dop in Refugee Applications in 2024
