ഇറ്റലിയിൽ സ്ത്രീ-പുരുഷ വേതനത്തിൽ വൻ അന്തരമെന്ന് കണക്കുകൾ

റോം∙ ഇറ്റലിയിലെ തൊഴിൽ മേഖലയിൽ സ്ത്രീ-പുരുഷ വേതനത്തിൽ പ്രകടമായ വ്യത്യാസമുണ്ടെന്ന് കണക്കുകൾ. പ്രതിദിന വേതനക്കണക്കുകളിൽ സ്ത്രീകൾക്ക് ലഭിക്കുന്നത് പുരുഷന്മാരേക്കാൾ ശരാശരി 20% കുറഞ്ഞ വേതനമാണ്. ഇറ്റാലിയൻ നാഷനൽ ഇൻസ്റ്റിറ്റ്യൂട്ട് ഓഫ് സോഷ്യൽ സെക്യൂരിറ്റി (INPS) യുടെ ഏറ്റവും പുതിയ റിപ്പോർട്ടിലാണ് രാജ്യത്തെ സ്ഥിരമായ വേതനവ്യവസ്ഥിതിയിലെ ലിംഗവ്യത്യാസം തുറന്നുകാണിക്കുന്നത്.

സ്ത്രീകൾക്ക് 39.9% കുറവ് വരുമാനം ലഭിക്കുന്ന റിയൽ എസ്റ്റേറ്റ് പ്രവർത്തനങ്ങളിലും പ്രഫഷനൽ, സയന്റിഫിക്, ടെക്നിക്കൽ സേവനങ്ങളിലും ഈ അന്തരം 35.1% വരെ എത്തുന്നു.

പൊതുമേഖലയിൽപ്പോലും ഈ വ്യത്യാസം പ്രകടമാണ്. ആരോഗ്യ സംരക്ഷണ മേഖലകളിലും സർവ്വകലാശാലകളിലും ജോലി ചെയ്യുന്ന സ്ത്രീകൾക്ക് ലഭിക്കുന്നത് അവരുടെ പുരുഷ സഹപ്രവർത്തകരേക്കാൾ 20% കുറഞ്ഞ വേതനമാണ്. ലിംഗസമത്വ സൂചികയിൽ, 100ൽ 69.2 പോയിന്റുകളുമായി ഇറ്റലി യൂറോപ്യൻ യൂണിയനിൽ 14-ാം സ്ഥാനത്താണ്.