'പുതുപ്പള്ളിതന്‍ പുണ്യമേ' സംഗീത ആല്‍ബം റിലീസ് ചെയ്തു
Mail This Article
ഡബ്ലിന്‍ ∙ അയര്‍ലൻഡ് മലയാളിയും ഫോട്ടോ ജേര്‍ണലിസ്റ്റുമായ കോട്ടയം സ്വദേശി കെ.പി അനില്‍കുമാര്‍ രചിച്ച വരികള്‍ക്ക് എന്‍.യു. സഞ്ജയ് സംഗീതം നല്‍കി എലൈന്‍ അല്‍ഫോന്‍സയുമായി ചേര്‍ന്ന് ആലപിച്ചിരിക്കുന്ന ക്രിസ്തീയ ഭക്തിഗാനം ഗീവര്‍ഗീസ് സഹദായുടെ ഓര്‍മ്മതിരുന്നാള്‍ ദിനത്തില്‍ റിലീസ് ചെയ്തു. മായ സഞ്ജയും, അര്‍പ്പിത സൈജുവുമാണ് എലൈനൊപ്പം കോറസ് പാടിയിരിക്കുന്നത്.
കെ.പി. പ്രസാദിന്റെ സംവിധാനത്തില്‍ 'വിശ്വാസമാവട്ടെ ലഹരി' എന്നൊരു സന്ദേശം കൂടി നല്‍കുന്ന ആല്‍ബത്തിന്റെ ഛായാഗ്രഹണവും എഡിറ്റിങ്ങും ജയകൃഷ്ണന്‍ റെഡ് മൂവീസാണ് നിര്‍വഹിച്ചിരിക്കുന്നത്. പുതുപ്പള്ളി പള്ളിയില്‍ വച്ചുതന്നെ ചിത്രീകരിച്ചിരിക്കുന്ന ഭക്തിഗാന ആല്‍ബത്തില്‍ പ്രധാനമായും അഭിനയിച്ചിരിക്കുന്നത് മനു സ്കറിയായും ദേവികയും സോമശേഖരന്‍ നായരുമാണ്.
ആര്‍ട്ട് ആൻഡ് മേയ്ക്കപ്പ് അജിത് പുതുപ്പള്ളിയും, ക്യാമറാ അസോസിയേറ്റ് പ്രീതീഷുമാണ്. 'പുതുപ്പള്ളിതന്‍ പുണ്യമേ' എന്ന ഭക്തിഗാനം അനിൽ ഫോട്ടോ ആൻഡ് മ്യൂസിക് യൂട്യൂബ് ചാനലിലാണ് റിലീസ് ചെയ്തിരിക്കുന്നത്. ഗാനം കേൽക്കാം: https://youtu.be/QYvOLr7v_oM?si=AqIC9ciBk3fc_bNr
Puthupallithan Punyame Music album released
