മാര്‍പാപ്പയുടെ വിയോഗത്തില്‍ ജര്‍മനിയിലും ദുഖാചരണം

ബര്‍ലിന്‍ ∙  ഫ്രാൻസിസ് മാർപാപ്പയ്ക്ക് വേണ്ടി  ബർലിനിലെ സെന്റ് ഹെഡ്വിഗ്സ് കത്തീഡ്രലിൽ ജർമനിയിലെ കത്തോലിക്കാ സഭ സമൂഹബലി അർപ്പിച്ച് പ്രാർഥിക്കും. ബുധനാഴ്ച ബോണിൽ ചേർന്ന ജർമൻ ബിഷപ്പ്സ് കോൺഫറൻസാണ് ഈ വിവരം അറിയിച്ചത്. ലിംബർഗ് ബിഷപ്പും ജർമ്മൻ ബിഷപ്പ്സ് കോൺഫറൻസ് ചെയർമാനുമായ ജോർജ്ജ് ബറ്റ്സിംഗ് ഇത് സ്ഥിരീകരിച്ചു.

മാർപാപ്പയുടെ വിയോഗത്തിൽ ജർമനിയിലും ദുഃഖാചരണം പ്രഖ്യാപിച്ചിട്ടുണ്ട്. ദേശീയ പതാക താഴ്ത്തിക്കെട്ടി. ജർമനിയിലെ സെൻട്രൽ കൗൺസിൽ ഓഫ് മുസ്​ലിംസ് ഫ്രാൻസിസ് മാർപാപ്പയ്ക്ക് ആദരാഞ്ജലികൾ അർപ്പിച്ചു.