കുടിയേറ്റക്കാരോട് നിന്ദയരുത്: ലിയോ മാർപാപ്പ

വത്തിക്കാൻ സിറ്റി ∙ മെച്ചപ്പെട്ട ജീവിതം തേടിയെത്തുന്ന കുടിയേറ്റക്കാരോട് സഹാനുഭൂതി കാട്ടണമെന്ന് ലിയോ മാർപാപ്പ പറഞ്ഞു. കുടിയേറ്റക്കാരെ നിന്ദിക്കരുതെന്നും അവരുടെ അന്തസ്സിനും അഭിമാനത്തിനും വിലകൽപിക്കണമെന്നും സ്വന്തം കുടുംബത്തിന്റെ കുടിയേറ്റ ചരിത്രം കൂടി പരാമർശിച്ചു നയതന്ത്രപ്രതിനിധികളോടു മാർപാപ്പ ആഹ്വാനം ചെയ്തത്.

സമാധാനം, നീതി, മതസ്വാതന്ത്ര്യം എന്നിവയിലൂന്നിയായിരുന്നു മാർപാപ്പയുടെ പ്രസംഗം. ആയുധക്കച്ചവടം അവസാനിപ്പിക്കണമെന്നും പല തലങ്ങളിലുള്ള നയതന്ത്രബന്ധങ്ങളാണു വേണ്ടതെന്നും അഭിപ്രായപ്പെട്ടു.