sections
MORE

ദുബായ് എക്സ്പോ: സുരക്ഷ വിലയിരുത്തി ആഭ്യന്തര മന്ത്രി

expo
SHARE

ദുബായ് ∙ എക്സ്പോ2020 സംബന്ധിച്ച സുരക്ഷാ ക്രമീകരണങ്ങൾ ഉപപ്രധാനമന്ത്രിയും ആഭ്യന്തര മന്ത്രിയുമായ ലഫ്. ജനറൽ ഷെയ്ഖ് സെയ്ഫ് ബിൻ സായിദ് അൽ നഹ്യാന്റെ നേതൃത്വത്തിൽ വിലയിരുത്തി. എക്സോ നടത്തിപ്പ് ചുമതലയുള്ള സുരക്ഷാ കൗൺസിൽ അംഗങ്ങൾ നടപടികളും പദ്ധതികളും വിശദീകരിച്ചു.

എക്സ്പോ ഡയറക്ടർ ജനറലും രാജ്യാന്തര സഹകരണ സഹമന്ത്രിയുമായ റീം ബിൻത് ഇബ്രാഹിം അൽ ഹാഷിമി, ദുബായ് എക്സ്പോ എക്സിക്യൂട്ടീവ് ഡയറക്ടർ നജീബ് അൽ അലി എന്നിവരും സുരക്ഷാ സംവിധാനങ്ങൾ വിശദീകരിച്ചു.

ആഭ്യന്തര അണ്ടർ സെക്രട്ടറി സെയ്ഫ് അൽ ഷാഫർ, ദുബായ് പൊലീസ് ഉപമേധാവി ദഹി ഖൽഫാൻ, ദുബായ് പൊലീസ് മേധാവി മേജർ ജനറൽ അബ്ദുല്ല ഖലീഫ അൽ മാറി എന്നിവരും മറ്റ് ഉന്നത ഉദ്യോഗസ്ഥരും യോഗത്തിൽ പങ്കെടുത്തു. 2020 ഒക്ടോബർ 20 മുതൽ ആറു മാസമാണ് എക്സ്പോ നടക്കുക.

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN GULF
SHOW MORE
FROM ONMANORAMA