പഴവിള രമേശന്റെ നിര്യാണത്തിൽ നവയുഗം അനുശോചിച്ചു

ദമാം ∙ പുരോഗമന കലാസാഹിതി മുൻ ഭാരവാഹിയും കവിയും സിനിമാ ഗാനരചയിതാവുമായ പഴവിള രമേശന്റെ നിര്യാണത്തിൽ നവയുഗം സംസ്ക്കാരിക–വായനവേദി കേന്ദ്രകമ്മിറ്റി അനുശോചിച്ചു. ഇടതുപക്ഷ ചിന്തകനായി മതനിരപേക്ഷതയുടെ പക്ഷത്ത് എന്നും ഉറച്ചു നിന്ന അദ്ദേഹം,  മലയാളകവിതയിൽ ആധുനികതയുടെ വക്താക്കളിൽ ഒരാളായിരുന്നുവെന്ന് അഭിപ്രായപ്പെട്ടു. അദ്ദേഹത്തിന്റെ നിര്യാണം മലയാള സാഹിത്യത്തിനും പുരോഗമന പ്രസ്ഥാനങ്ങൾക്കും വലിയൊരു നഷ്ടമാണെന്ന് പ്രസ്താവനയിൽ പറഞ്ഞു.