ADVERTISEMENT

അബുദാബി ∙ നാഷനൽ എക്സിബിഷൻ സെന്ററിൽ വിവിധ പ്രദർശനങ്ങൾക്കായി എത്തുന്ന രാജ്യാന്തര സ്ഥാപനങ്ങളെ മൂല്യവർധിത നികുതിയിൽനിന്ന് ഒഴിവാക്കി. ഇതുസംബന്ധിച്ച ലൈസൻസ് അബുദാബി നാഷനൽ എക്സിബിഷൻ സെന്ററിന് ലഭിച്ചതായി അധികൃതർ അറിയിച്ചു. ഇതോടെ രാജ്യാന്തര പ്രർദശന നഗരയിൽ എത്തുന്ന എല്ലാ കമ്പനികൾക്കും ഇക്കാലയളവിൽ നടത്തുന്ന ഇടപാടുകൾക്ക് മൂല്യവർധിത നികുതി നൽകേണ്ടതില്ല.

പ്രദർശനം 7 ദിവസത്തിൽ കൂടാൻ പാടില്ലെന്ന നിബന്ധനയുണ്ട്. ജൂൺ 1 മുതൽ മുൻകാല പ്രാബല്യത്തോടെയാണ് തീരുമാനം. പുതിയ തീരുമാനം വിനോദസഞ്ചാര മേഖലയ്ക്കും പ്രദർശനങ്ങൾക്കും കൂടുതൽ ഉണർവു പകരുമെന്ന് അഡ്നക് ഗ്രൂപ്പ് സിഇഒ ഹുമൈദ് മത്തർ അൽ ദാഹിരി പറഞ്ഞു. കൂടുതൽ രാജ്യാന്തര പരിപാടികൾ അബുദാബിയിലേക്ക് ആകർഷിക്കാൻ ഇത് വഴിയൊരുക്കുമെന്നും കൂട്ടിച്ചേർത്തു.

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
അവശ്യസേവനങ്ങൾ കണ്ടെത്താനും ഹോം ഡെലിവറി  ലഭിക്കാനും സന്ദർശിക്കു www.quickerala.com