മണിക്കൂറുകൾ വൈകി ഷാർജ – തിരുവനന്തപുരം വിമാനം യാത്രക്കാരെ വലച്ചു

ദുബായ് ∙ ഷാർജയിൽ നിന്ന് ചൊവ്വ രാത്രി 6.10ന് തിരുവനന്തപുരത്തേക്ക് പുറപ്പെടേണ്ട എയർ ഇന്ത്യ എക്സ്പ്രസ് ഐഎക്സ് 534ആറ് മണിക്കൂർ വൈകി പുറപ്പെട്ടത് യാത്രക്കാരെ വലച്ചു. 

ഒരു മണിക്കൂർ വൈകി 7.10ന് പുറപ്പെടുമെന്നാണ് യാത്രക്കാരെ ആദ്യം അറിയിച്ചത്. എന്നാൽ, രാത്രി 12.30നാണ് പുറപ്പെട്ടത്.

യാത്രക്കാർക്ക് ഭക്ഷണവും മറ്റും നൽകിയെങ്കിലും കൃത്യമായ വിവരം കൈമാറിയില്ലെന്ന പരാതിയുണ്ട്. 

ഇന്ത്യൻ സമയം രാത്രി 11.50ന് എത്തേണ്ട വിമാനം രാവിലെ ആറരയോടെയാണ് തിരുവനന്തപുരത്ത് എത്തിയത്.

യാത്രക്കാരും സ്വീകരിക്കാനെത്തിയവരെയുമെല്ലാം ഇതുമൂലം വലഞ്ഞു