ഗ്യാസ് സിലിണ്ടർ കരുതലോടെ

അബുദാബി ∙ പാചകവാതക സിലിണ്ടർ കൈകാര്യം ചെയ്യുന്നത് കരുതലോടെയായിരിക്കണമെന്നും കെട്ടിടങ്ങളിൽ അഗ്നിശമന വിഭാഗം നിർദേശിക്കുന്ന സുരക്ഷാ സൗകര്യങ്ങൾ ഏർപ്പെടുത്തണമെന്നും അബുദാബി പൊലീസ്.

∙ കെട്ടിടത്തിന് പുറത്തായി വായുസഞ്ചാരമുള്ള സ്ഥലത്താണ് ഗ്യാസ് സിലിണ്ടർ സൂക്ഷിക്കേണ്ടത്.  ഇതേസമയം സൂര്യപ്രകാരം നേരിട്ട് ഏൽക്കാനും പാടില്ല. അതുകൊണ്ടുതന്നെ കെട്ടിടങ്ങളിൽ പ്രത്യേക സൌകര്യം ഒരുക്കണം.

∙ എമർജൻസി എക്സിറ്റിന് സമീപം ഗ്യാസ് സിലിണ്ടർ സൂക്ഷിക്കരുത്.

∙ വാതക ചോർച്ചയുണ്ടായാൽ അറിയിക്കുന്ന മുന്നറിയിപ്പു സംവിധാനം അടുക്കളയിൽ സ്ഥാപിച്ചിരിക്കണം.

∙ 24 കിലോ ഭാരമുള്ള ഒരു ഗ്യസ് സിലിണ്ടർ മാത്രമേ ഒരിടത്ത് സൂക്ഷിക്കാവൂ.

∙ വാതക ചോർച്ചയില്ലെന്നു ബോധ്യപ്പെടുത്തുന്ന സീൽ പതിച്ച ഗ്യാസ് സിലിണ്ടർ ആണ് വാങ്ങുന്നതെന്ന് ഉറപ്പുവരുത്തണം. അംഗീകൃത ഗ്യാസ് ഏജൻസികളെ മാത്രമേ സിലിണ്ടറുകൾക്കായി ആശ്രയിക്കാവൂ.