പവിഴപ്പുറ്റുകൾക്ക് പുതുജീവൻ

ദോഹ ∙ ഹമദ് തുറമുഖത്തെ 12,500ൽ അധികം പവിഴപ്പുറ്റുകൾ പുന:സ്ഥാപിക്കാൻ കഴിഞ്ഞതായി ഖത്തർ തുറമുഖ മാനേജ്‌മെന്റ് കമ്പനി മവാനി ഖത്തർ. പരിസ്ഥിതി സംരക്ഷണത്തിന്റെ ഭാഗമായി സമുദ്ര സമ്പത്തുകൾ പരിപാലിക്കുന്നതിൽ രാജ്യം അതീവ ശ്രദ്ധ ചെലുത്തുന്നുണ്ട്. 14,300 ചതുരശ്രമീറ്റർ കടൽ പായലുകൾ, 31,700 സമുദ്ര സസ്യങ്ങളും അവിസെന്നിയ മരങ്ങൾ എന്നിവയെയാണ് കടലിൽ സുരക്ഷിത സ്ഥാനത്തേക്ക് മാറ്റിയത്. സമുദ്ര ജീവികളുടെ ആവാസവ്യവസ്ഥയ്ക്ക് കോട്ടംതട്ടാതെയാണു പുന:സ്ഥാപനം നടത്തിയത്.