ഷാർജയിൽ വൻ അഗ്നിബാധ; വാഹനങ്ങളും കത്തിച്ചാമ്പലായി, വൻ നാശനഷ്ടം

ഷാർജ ∙ വ്യവസായ മേഖലയിലെ വെയർഹൗസിൽ വൻ അഗ്നിബാധ. വെയർഹൗസിലെ സാധനങ്ങളും തൊട്ടടുത്ത് നിർത്തിയിട്ടിരുന്ന വാഹനങ്ങളും കത്തിച്ചാമ്പലായി. ആളപായം റിപോർട്ട് ചെയ്തിട്ടില്ലെങ്കിലും വൻ നാശനഷ്ടം സംഭവിച്ചതായാണ് ആശങ്ക.

ശനിയാഴ്ച ഉച്ചയോടെ വ്യവസായ മേഖലയിലെ ചൈനാ ടൗൺ മാളിനടുത്താണ് തീപിടിത്തമുണ്ടായത്. ഉടൻ സ്ഥലത്തെത്തിയ സിവിൽ ഡിഫൻസ് വിഭാഗം തീ അണക്കാനുള്ള ശ്രമം വൈകുന്നേരവും തുടർന്നു. ഇവിടെ നിന്നുയരുന്ന കറുത്ത പുക വളരെ അകലേയ്ക്ക് പോലും കാണാവുന്നതാണ്.

അഗ്നിബാധയെ തുടർന്ന് ഇൗ ഭാഗങ്ങളിലുള്ള റോഡുകളിൽ വൻ ഗാതഗത സ്തംഭനമുണ്ടായി.