ജനത്തെ അംഗീകരിച്ചേ രാജ്യത്തിന് മുന്നോട്ട് പോകാനാകൂ: രാജാജി

അബുദാബി ∙ ജനതയുടെ സവിശേഷതകളെ അംഗീകരിച്ചുകൊണ്ട് മാത്രമേ രാജ്യത്തിന് മുന്നോട്ടുപോകാൻ കഴിയുകയുള്ളൂവെന്ന് മുൻ എംഎൽഎയും മാധ്യമപ്രവർത്തകനുമായ രാജാജി മാത്യു തോമസ്. എന്നാൽ വൈവിധ്യങ്ങളെ തകർത്താൽ മാത്രമേ ഇന്ത്യയിൽ അധികാരം നിലനിർത്താൻ കഴിയൂ എന്ന ബോധ്യമുള്ള ഭരണാധികാരികളുടെ ലോകത്താണ് നമ്മൾ ജീവിക്കുന്നതെന്നും അദ്ദേഹം പറഞ്ഞു.

അബുദാബി യുവകലാസാഹിതിയും ശക്തി തിയറ്റേഴ്‌സും ചേർന്നു സംഘടിപ്പിച്ച 'വർത്തമാന ഇന്ത്യ-കേരളത്തിലെ ഇടതുപക്ഷ സർക്കാർ' എന്ന  വിഷയത്തിൽ പ്രസംഗിക്കുകയായിരുന്നു. ശക്തി തിയറ്റേഴ്‌സ് ആക്ടിങ് പ്രസിഡന്റ് മധു പരവൂർ അധ്യക്ഷത വഹിച്ചു.  കേരള സോഷ്യൽ സെന്റർ വൈസ് പ്രസിഡന്റ് പി.ചന്ദ്രശേഖരൻ, ബാബു വടകര, ജനയുഗം ഫോറം സെക്രട്ടറി റോയി വർഗീസ്, ശക്തി തിയറ്റേഴ്‌സ് ആക്ടിങ് ജനറൽ സെക്രട്ടറി സി.കെ ഷെരീഫ് എന്നിവർ പ്രസംഗിച്ചു.