ഒമാനിൽ 34,266 വിദേശികൾക്ക് തൊഴിൽ നഷ്ടമായി

മസ്‌കത്ത് ∙ സ്വദേശിവൽക്കരണത്തെ തുടർന്ന് ഒമാനിൽ കഴിഞ്ഞവർഷം ഇന്ത്യക്കാർ ഉൾപ്പെടെ 34,266 വിദേശികൾക്കു തൊഴിൽ നഷ്ടമായി. സ്വകാര്യ മേഖലയിൽ നിന്നാണ് ഇത്രയും പേർ പുറത്തായത്. 2017ൽ സ്വകാര്യ മേഖലയിൽ 19,24,839 പ്രവാസി തൊഴിലാളികളാണ് ഉണ്ടായിരുന്നതെങ്കിൽ കഴിഞ്ഞ വർഷം 18,90,573 ആയി.

നിലവിൽ 17 ലക്ഷം പ്രവാസി തൊഴിലാളികളാണ് രാജ്യത്തുള്ളതെന്ന് അധികൃതർ വെളിപ്പെടുത്തി. സ്വദേശികൾക്ക് 65,000 തൊഴിലവസരങ്ങൾ ഒരുക്കുമെന്ന്  സർക്കാർ പ്രഖ്യാപിച്ചു കഴിഞ്ഞു. ഇതോടെ കൂടുതൽ പേർക്ക് രാജ്യം വിടേണ്ടിവരും. നിർമാണ മേഖലയിലാണ് ഏറെ പേർക്കും ജോലി നഷ്ടമാകുന്നത്.