കുവൈത്തിൽ പ്രത്യേക സാമ്പത്തിക മേഖല വരുന്നു
Mail This Article
×
കുവൈത്ത് സിറ്റി ∙ വടക്കൻ പ്രദേശത്ത് സാമ്പത്തിക മേഖല സ്ഥാപിക്കുന്നതിനു മന്ത്രിസഭാ യോഗം അംഗീകാരം നൽകി. ഇതോടെ സിൽക്ക് സിറ്റി സ്ഥാപിക്കുന്നതിനുള്ള നടപടികൾക്ക് വേഗതയേറുമെന്നാണു പ്രതീക്ഷ.
പ്രധാനമന്ത്രി ഷെയ്ഖ് ജാബർ അൽ മുബാറക് അൽ ഹമദ് അൽ സബാഹിന്റെ അധ്യക്ഷതയിൽ ചേർന്ന യോഗം അത് സംബന്ധിച്ച ബിൽ പാർലമെന്റിന്റെ പരിഗണനയ്ക്ക് അയയ്ക്കുന്നതിനായി അമീറിന് സമർപ്പിക്കാൻ തീരുമാനിച്ചു.
ബഹ്റൈനുമായി കസ്റ്റംസ് ഇടപാട് ഉടമ്പടി, മൗറിത്ത്യാനിയയുമായി പരിസ്ഥിതി കരാർ എന്നിവയും മന്ത്രിസഭ അംഗീകരിച്ചു. ദക്ഷിണ കൊറിയയുമായി നേരിട്ടുള്ള നിക്ഷേപ പ്രോത്സാഹനം, അഴിമതി വിരുദ്ധ ധാരണാപത്രം എന്നിവയ്ക്കും മന്ത്രിസഭ അനുമതി നൽകി.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.