സമുദ്രാതിർത്തി സംരക്ഷണം: കരടിന് മന്ത്രിസഭാ അംഗീകാരം
Mail This Article
ദോഹ ∙ ഖത്തറിന്റെ സമുദ്ര അതിർത്തി സംരക്ഷണം സംബന്ധിച്ച കരട് നിയമത്തിന് മന്ത്രിസഭയുടെ അംഗീകാരം. പ്രധാനമന്ത്രി ഷെയ്ഖ് അബ്ദുല്ല ബിൻ നാസർ ബിൻ ഖലീഫ അൽതാനിയുടെ അധ്യക്ഷതയിൽ അമീരി ദിവാനിൽ ചേർന്ന യോഗമാണ് അംഗീകാരം നൽകിയത്. കമ്യൂണിക്കേഷൻ റഗുലേറ്ററി അതോറിറ്റിയിൽ പുതിയ സാമ്പത്തിക അധികാര കമ്മിറ്റിയുടെ രൂപീകരണം സംബന്ധിച്ച കരട് തീരുമാനത്തിനും മന്ത്രിസഭ അംഗീകാരം നൽകി.
സാങ്കേതിക നിയന്ത്രണങ്ങൾ, പ്രസിദ്ധീകരണങ്ങൾ, അനുബന്ധ ബുള്ളറ്റിനുകൾ, സ്റ്റാൻഡേഡ് സ്പെസിഫിക്കേഷൻ എന്നിവയുടെ വിൽപന സംബന്ധിച്ച 2018 ലെ 351-ാം നമ്പർ തീരുമാനത്തിലെ ഏതാനും വ്യവസ്ഥകൾ ഭേദഗതി ചെയ്തുള്ള നഗരസഭ പരിസ്ഥിതി മന്ത്രിയുടെ കരട് തീരുമാനത്തിനും അംഗീകാരം നൽകി. ഭൗമ, സമുദ്ര പരിസ്ഥിതി സംബന്ധിച്ച ശൂറാ കൗൺസിലിന്റെ ശുപാർശകളും മന്ത്രിസഭ പരിശോധിച്ചു. ശുപാർശകൾ ബന്ധപ്പെട്ട അതോറിറ്റിക്ക് കൈമാറാനും തീരുമാനിച്ചു.