sections
MORE

ജനുവരിയിൽ അതിശൈത്യം

SHARE

കുവൈത്ത് സിറ്റി ∙ ജനുവരിയിൽ താപനില പൂജ്യം ഡിഗ്രി സെൽ‌ഷ്യസിൽ എത്തുമെന്ന് കാലാവസ്ഥാ നിരീക്ഷകൻ ഈസാ അൽ റമസാൻ. ഡിസംബർ അവസാനത്തോടെയാണ് അതിശൈത്യം തുടങ്ങുക. കാലാവസ്ഥാ വ്യതിയാനം രാജ്യത്തെ ഋതുഭേദങ്ങളെ കാര്യമായി ബാധിച്ചിട്ടുണ്ട്. കാലാവസ്ഥാ വ്യതിയാനത്തിന്റെ ഫലം എങ്ങനെയൊക്കെയായിരിക്കുമെന്ന് കൃത്യമായി പ്രവചിക്കാൻ കഴിയാത്ത സാഹചര്യമാണ്.

ഒക്ടോബർ അവസാനം മഴയുണ്ടാകും. ചില ദിവസങ്ങളിൽ ഇടിയോടു കൂടിയ കനത്ത മഴയുമായിരിക്കും. കഴിഞ്ഞ തവണ അനുഭവപ്പെട്ട മഴ അപൂർവമാണ്. 100 മുതൽ 200 മി.മി വരെ ഒന്നോ രണ്ടോ ദിവസങ്ങളിലായി പെയ്യാനുള്ള സാധ്യതയുണ്ട്. കാലാവസ്ഥാ വ്യതിയാനത്തിനനുസൃതമായി പെയ്യുന്ന മഴവെള്ളം പ്രയോജനപ്പെടുത്താൻ തടാകങ്ങളോ മറ്റോ നിർമിക്കുന്നതിനുള്ള നടപടികൾ വേണമെന്നും അദ്ദേഹം നിർദേശിച്ചു.

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN GULF
SHOW MORE
FROM ONMANORAMA