അബുദാബിയിൽ ശനിയാഴ്ച പാർക്കിങ് സൗജന്യം

അബുദാബി∙ നബിദിനം പ്രമാണിച്ച് ശനിയാഴ്ച പൊതു അവധിയായതിനാല്‍ അബുദാബിയിൽ പാർക്കിങ് സൗജന്യമായിരിക്കുമെന്നു സംയോജിത ഗതാഗത കേന്ദ്രം (ഐടിസി) അറിയിച്ചു. 9ന് രാവിലെ 7.59 മുതൽ 10ന് രാവിലെ 7.59  വരെയാണ് സൗജന്യ പാ‍ർക്കിങ്.

വാരാന്ത്യ അവധി ദിനമായ വെള്ളിയാഴ്ചകൂടി കണക്കിലെടുത്താൽ തുട‍ച്ചയായി 2 ദിവസം പാ‍ര്‍ക്കിങ് സൗജന്യമായിരിക്കും. റെസിഡന്റ് പാ‍‍ർക്കിങ് പെ‍ർമിറ്റുള്ള പാർക്കിങിൽ രാത്രി 9 മുതൽ രാവിലെ 8 വരെ നിർത്തിയിടാനും പാടില്ല. ബസ്, ജലഗതാഗത സേവനങ്ങൾ പതിവുപോലെ തുടരും. വെബ്സൈറ്റ്: www.itc.gov.ae ഫോൺ 800 88888