അബുദാബി∙ ബനിയാസ് പാലത്തിലുണ്ടായ വാഹനാപകടത്തിൽ സ്വദേശി മരിക്കുകയും 7 പേർക്കു പരുക്കേൽക്കുകയും ചെയ്തു. മുന്നറിയിപ്പില്ലാതെ പെട്ടന്നു ലെയ്ൻ മാറിയതോടെ നിയന്ത്രണം വിട്ട കാർ ഇതര വാഹനങ്ങളിൽ ഇടിച്ചാണ് അപകടമുണ്ടായതെന്ന് അബുദാബി പൊലീസിലെ എക്സ്റ്റേണൽ ട്രാഫിക് പൊലീസ് ഡയറക്ടർ കേണൽ മുഹമ്മദ് അൽ ഷിഹി പറഞ്ഞു. പരുക്കേറ്റവരെ അൽറഹ്ബ, മഫ്റഖ് ആശുപത്രികളിലേക്കു മാറ്റി. ഗതാഗത നിയമം പാലിച്ചും മതിയായ അകലത്തിലും വാഹനമോടിക്കണമെന്ന് പൊലീസ് ഓർമിപ്പിച്ചു.
വാഹനാപകടത്തിൽ ഒരാൾ മരിച്ചു; 7 പേർക്കു പരുക്ക്
SHOW MORE
