ADVERTISEMENT

ദുബായ് ∙ ദുബായിലെ വീസാ സേവനങ്ങളുമായി ബന്ധപ്പെട്ട അന്വേഷണങ്ങൾക്ക് 8005111 എന്ന ആമർ ടോൾഫ്രീ നമ്പറിലേയ്ക്കാണ് യുഎഇയിലുള്ളവർ വിളിക്കേണ്ടതെന്ന് ദുബായ് ജനറൽ ഡയറക്ടറേറ്റ് ഓഫ് റസിഡൻസി ആൻഡ് ഫോറിനേഴ്സ് അഫയേഴ്‌സ് (ദുബായ് എമിഗ്രേഷൻ) തലവൻ മേജർ ജനറൽ മുഹമ്മദ് അഹ്‌മദ്‌ അൽ മറി അറിയിച്ചു. 24 മണിക്കൂറും പ്രവർത്തന സജ്ജമാണ് ഇൗ നമ്പർ. ഇതോടൊപ്പം ഓൺലൈൻ ചാറ്റ്, ഇ-മെയിൽ വഴിയും  വകുപ്പുമായി ബന്ധപ്പെടാൻ കഴിയുന്നമെന്നും അദ്ദേഹം വ്യക്തമാക്കി.

ലോകത്തിലെ എവിടെ നിന്നും ദുബായിലെ വീസാ സേവനങ്ങളുമായി ബന്ധപ്പെട്ട വിവരങ്ങൾ അറിയാൻ വിവിധ സേവന-സൗകര്യങ്ങളാണ് ദുബായ് എമിഗ്രേഷൻ ഏർപ്പെടുത്തിയിട്ടുള്ളത്. ഇതിലൂടെ വീസാ നടപടികളുടെ സ്റ്റാറ്റസ്, വീസാ നടപടി ക്രമങ്ങളുടെ നിർദ്ദേശങ്ങൾ, കൂടുതൽ വിവരങ്ങൾ തുടങ്ങിയവ അതിവേഗം  ലഭ്യമാവുന്നതാണ്. +97143139999 എന്ന നമ്പരിൽ വിളിച്ചാലും വിവരങ്ങൾ ലഭ്യമാവും.

യുഎഇക്ക് പുറത്തുള്ളവർക്ക് +97145011111

രാജ്യത്തിന് പുറത്തുള്ളവർ +97145011111 എന്ന നമ്പറിലേക്കാണ് വിളിക്കേണ്ടത്. ഇമെയിൽ വഴി ദുബായ് എമിഗ്രേഷനുമായി ബന്ധപ്പെടാൻ: amer@dnrd.ae.

കഴിഞ്ഞ വർഷം വീസാ അന്വേഷണങ്ങൾക്ക് ആമർ കോൾ സെന്ററുമായി ബന്ധപ്പെട്ടത് ലക്ഷക്കണക്കിന് ഇടപാടുകരാണ്. അവരുടെ അന്വേഷണങ്ങൾക്ക് ത്യപ്തികരമായ മറുപടി നൽകി. 

എന്നാൽ വീസാ അന്വേഷണങ്ങൾക്കുള്ള ആമർ ഓൺലൈൻ ചാറ്റിങ് സേവനം ഞായർ മുതൽ വ്യാഴം വരെ രാവിലെ 10 മുതൽ വൈകിട്ട് 5 വരെയാണ് ഉണ്ടാവുകയെന്ന് അധിക്യതർ വ്യക്തമാക്കി. ദുബായ് എമിഗ്രേഷൻ്റെ 20 വിവിധ സേവന കേന്ദ്രങ്ങൾ ദുബായിലെ വിവിധ ഇടങ്ങളിൽ പ്രവർത്തിക്കുന്നുണ്ടെങ്കിലും ദുബായ് ജാഫ്‌ലിയ മെട്രോ സ്റ്റേഷന് നേർ എതിർവശമുള്ള ജിഡിആർഎഫ്എ ഓഫീസാണ് വകുപ്പിന്റെ മുഖ്യകാര്യാലയം.

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
അവശ്യസേവനങ്ങൾ കണ്ടെത്താനും ഹോം ഡെലിവറി  ലഭിക്കാനും സന്ദർശിക്കു www.quickerala.com