നാടുകടത്തൽ കേന്ദ്രത്തിലുള്ള 150 ഇന്ത്യക്കാർ നാട്ടിലേക്ക്

ജിദ്ദ ∙ നിയമലംഘനത്തിനു പൊലീസ് പിടിയിലായി ഷുമൈസിയിലെ നാടുകടത്തൽ കേന്ദ്രത്തിൽ കഴിയുന്ന 500 ഇന്ത്യക്കാരിൽ 150 പേർ ഉടൻ നാട്ടിലേക്കു പോകുമെന്ന് ഇന്ത്യൻ കോൺസുലേറ്റ് അറിയിച്ചു.

താമസ രേഖകളുടെ കാലാവധി കഴിഞ്ഞിട്ടും രാജ്യത്ത് തങ്ങിയവർ, സ്പോൺസറിൽ നിന്ന് ഒളിച്ചോടി മറ്റിടങ്ങളിൽ ജോലി ചെയ്യുന്നവർ ഉൾപ്പെടെ തൊഴിൽ നിയമം ലംഘിച്ചവരാണ് ഇവരിൽ ഭൂരിഭാഗവും.

സൗദിയിൽ പൊതുമാപ്പ് അവസാനിച്ച 2017 നവംബർ 15 മുതൽ കഴിഞ്ഞ കഴിഞ്ഞ നവംബർ വരെയുള്ള കണക്കനുസരിച്ചു 41.5 ലക്ഷം പേരാണു നിയമലംഘനത്തിന്റെ പേരിൽ അറസ്റ്റിലായത്. ഇവരിൽ 97% ഇത്യോപ്യ, യെമൻ രാജ്യക്കാരാണ്. ശേഷിച്ച 3% പേർ മാത്രമാണ് ഇന്ത്യ ഉൾപ്പെട്ട രാജ്യങ്ങളിൽ നിന്നുള്ളവർ.